ԵՐԵՎԱՆ, 27 սեպտեմբերի. /Նովոստի–Արմենիա/. ՀՀ սպորտի և երիտասարդության հարցերի նորանշանակ նախարար Հրաչյա Ռոստոմյանի կենսագրությունը ներկայացված է ՀՀ կառավարության կայքում։
Ռոստոմյանը ծնվել է 1981 թ.–ի մարտի 3–ին Երևանում։ Զինապարտ է, պահեստի լեյտենանտ։
Ռոստոմյանը 2003 թ.–ին ավարտել է Երևանի Մխիթար Հերացու անվան պետական բժշկական համալսարանի ստոմատոլոգիական ֆակուլտետ` բժիշկ ստոմատոլոգ թերապևտի մասնագիտացմամբ։
2006 թ.–ին ավարտել է Երևանի Մխիթար Հերացու անվան պետական բժշկական համալսարանի կլինիկական օրդինատուրան` ստանոլվ ունիստոմատոլոգ-օրթոպեդի որակավորում։
2010 թ.–ին նա ավարտել է Ֆիզիկական կուլտուրայի հայկական պետական ինտիտուտի մարզաառողջարարական ֆակուլտետը` ստանալով մարզիչ մանկավարժի որակավորում:
Հրաչյա Ռոստոմյանը 1997-1999 թթ. –ին աշխատել է «Անի 90» ՍՊԸ–ում` որպես ապրանքագետ։ 2003 թ. –ին աշխատել է թիվ 5 մանկական ստոմատոլոգիական պոլիկլինիկայում` որպես բժիշկ-ինտերն։
2006-2008 թթ.–ին Ռոստոմյանը դասախոսել է Երևանի պետական բժշկական համալսարանում։ 2006 – 2009 թթ. –ին աշխատել է որպես լաբորանտ ԵՊԲՀ ֆիզդաստիարակության ամբիոնում։
2008 – 2009 թթ. –ին եղել է Երևան քաղաքի ավագանու անդամ, 2006 թ. մարտի 12-ից Ռոստոմյանը ՀՀ բասկետբոլի ֆեդերացիայի նախագահն է։
2010 – 2012 թթ. –ին Հրաչյա Ռոստոմյանը զբաղեցրել է ՀԱՕԿ-ի գլխավոր քարտուղարի պաշտոնը։ 2012-2013թթ. –ին եղել է ՀՀ սպորտի և երիտասարդության հարցերի նախարարը,
2013-2016թթ. –ին`ՀԱՕԿ-ի գլխավոր քարտուղարը։
Հրաչյա Ռոստոմյանը ՀՀ սպորտի վարպետ է, երկար տարիներ խաղացել է Հայաստանի հավաքականի կազմում, մասնակցել է միջազգային մրցաշարերի:
Նորանկախ Հայաստանի միջազգային կարգի առաջին մրցավարն է:
Նա երեք գիտամեթոդական հոդվածների հեղինակ է, ՀԱՕԿ-ի տեղեկագրի համահեղինակ: Պարգևատրվել է հայրենիքին մատուցած ծառայության համար 2-րդ աստիճանի մեդալով, «Հրանտ Շահինյան», ՀՀ ՊՆ «Անդրանիկ Օզանյան», «Զինվոր հայրենյաց» և Երևանի պետական բժշկական համալսարանի 75-ամյակին նվիրված ոսկե մեդալներով, ՀՀ Նախագահի շնորհակալագրով: Մանկավարժական գիտությունների թեկնածու է, անկուսակցական է:
Ռոստոմյանն ամուսնացած է, ունի երկու երեխա:
2016թ. սեպտեմբերի 27-ից զբաղեցնում է ՀՀ սպորտի և երիտասարդության հարցերի նախարարի պաշտոնը։–0–
