ԵՐԵՎԱՆ, 14 օգոստոսի. /Նովոստի–Արմենիա/. Գլխավոր դատախազությունը 1–2 օրվա ընթացքում կհայտնի իր դիրքորոշումը Ռոբերտ Քոչարյանի գործով, Գլխավոր դատախազության մոտ հավաքված ակտիվիստներին ասաց Գլխավոր դատախազության հատկապես կարևոր գործերով քննության վարչության պետ Վահագն Մուրադյան։
«Մենք Վերաքննիչ դատարանի որոշման համահունչ բողոք կներկայացնենք», – ասաց նա` հավելելով, որ իրենք բողոք կներկայացնեն Վճռաբեկ դատարան։
Նա նաև չմեկնաբանեց ՀՔԾ պետ Սասուն Խաչատրյանի այն հայտարարությունը, որ
Վերաքննիչ դատարանը դուրս է եկել իր լիազորությունների շրջանակից, ինչպես նաև հույս է հայտնել, որ դատախազությունը կդիմի վճռաբեկ դատարան։
Загружается новость ... "Лево"
Երևանի Շենգավիթ համայնքի ընդհանուր իրավասության դատարանը հուլիսի 27–ի գիշերը որոշում ընդունեց երկու ամսով կալանավորել Ռոբերտ Քոչարյանին։ Հայաստանի երկրորդ նախագահ Ռոբերտ Քոչարյանին մեղադրանք է առաջադրվել Հայաստանի Հանրապետության սահմանադրական կարգը տապալելու համար: Քոչարյանը «Մարտի 1»–ի գործով ՀՔԾ է հրավիրվել որպես վկա, սակայն նրան առաջադրվել է մեղադրանք։ Գործով վկա է կանչվել նաև ՀԱՊԿ գլխավոր քարտուղար Յուրի Խաչատուրովը, ում նույնպես առաջադրվել է մեղադրանք։ Նա գրավի դիմաց ազատ է արձակվել։ Որպես մեղադրյալ ներգրավված է նաև ՀՀ պաշտպանության նախկին նախարար Միքայել Հարությունյանը, ով այս պահին հանրապետությունում չէ։
Հայկական ընդդիմությունը` առաջին նախագահ Լևոն Տեր–Պետրոսյանի գլխավորությամբ, ով առաջադրվել էր 2008 թ.–ի փետրվարի 19–ին կայացած նախագահական ընտրություններին և պարտվել էր, փետրվարի 20–ից Երևանի կենտրոնում անցկացնում էր հանրահավաքներ` դժգոհություն հայտնելով քվեարկության արդյունքներից։ Բողոքի ակցիաները 2008 թ.–ի մարտի 1–2–ը վերածվեցին անկարգությունների և իրավապահ ուժերի ու ցուցարարների միջև բախումների, ինչի հետևանքով զոհվեց 10 մարդ, ավելի քան 200–ը վիրավորվեց։-0-
