525.85
7.42
476.44
+6
Եղանակը Երևանում
Հայ
15:56 | 27 Մարտի 2017
Ինչպե՞ս ճիշտ հեծանիվ ընտրել
1
Ինչո՞ւ է պետք «անցնել» հեծանիվի
Որովհետև մենք գրեթե ողջ օրն անցկացնում ենք չօդափոխվող գրասենյակներում և լիովին մոռացել ենք շարժվելու մասին: Հեծանիվը վառելիք չի պահանջում, այն հեշտ է կայանել, նրան չեն սպառնում խցանումներ, այսինքն, այն տնտեսում է մեր ժամանակը: Հեծանիվ քշել սովորելը հեշտ է, բացի այդ, հարկավոր չէ քննություն հանձնել Ճանապարհային ոստիկանությունում: Եվ վերջապես, հեծանիվ քշելը մեզ ավելի բարեկազմ է դարձնում, բարելավում է քունը, դրական զգացումներ է խթանում:
2
Իսկ, առհասարակ, հեծանիվի ինչպիսի՞ տեսակներ գոյություն ունեն
Առաջին հայացքից բոլոր հեծանիվները կազմված են ղեկից և երկու անիվից: Սակայն այնպիսի բնութագրիչները, ինչպիսիք են քաշը, արագությունը, անցողունակությունը, հենոցի և ղեկի երկրաչափությունը, անիվների մեծությունը և հաստությունը, ինչպես նաև ընթացամասի կոմպլեկտավորումը, որոշում են հեծանիվի մասնագիտական որակավորումը. սրընթաց երթ հարթ ասֆալտով, ցատկեր և հնարքներ, երթ բարդ տեղանքով, հարմարավետ զբոսանք հեծանիվով այգում կամ երթ քաղաքից դուրս: Ինչպես խորհուրդ են տալիս Bianchi խորհրդատուները, եթե որոշել եք զբոսնել լեռնային արահետներով, ապա ընտրեք լեռնային հեծանիվ:

Այն բնութագրվում է ավելի մեծ անցողունակությամբ, նրանով կարելի է մեկնել ցանկացած վայր: Ճիշտ է` այն լուրջ թերություն ունի` ցածր արագությունը, այս տեսակի հեծանիվը հարմար չէ արագ երթի համար: Քաղաքում քշելու համար լեռնային հեծանիվ գնելիս հարկավոր է ուշադրություն դարձնել տվյալ տեսակի հեծանիվների մի քանի առանձնահատկությունների վրա.

- լեռնային հեծանիվների նստադիրքը սպորտային է, այսինքն` նստած ժամանակ մարդու մեջքը կլինի փոքր-ինչ կորացած, ձեռքերը` ձգած;

- լեռնային հեծանիվների անվադողերը հիմնականում պաշտպանված են ցեխից (ատամնավոր են), այդ իսկ պատճառով ասֆալտով ընթանալիս դուք կզգաք թեթև թրթռոց և աղմուկ, ինչպես նաև ավելի շատ ջանք կգործադրեք շարժման ժամանակ, քան նմանատիպ բնութագրիչներ և հարթ անվադողեր ունեցող քաղաքային հեծանիվի տերը:

Եթե սիրում եք արագ ընթանալ, ուշադրություն դարձրեք խճուղային մոդելներին` հեծանիվների ամենաարագ դասին:

Թեթև և սրընթաց` խճուղային հեծանիվները նախատեսված են շատ լավ ծածկ ունեցող ճանապարհների համար և կարող են մեծ արագություն զարգացնել` շնորհիվ նեղ անվադողերի, բարակ և թեթև կմախքի: Սակայն, վերջիններս բացարձակապես նախատեսված չեն բարդ տեղանքով երթևեկելու համար: Եթե դուք նման հեծանվով անտառ մտնեք, ապա քշելը շատ բարդ կլինի, իսկ ճանապարհի բացակայության դեպքում ընդհանրապես չեք կարողանա: Խճուղային հեծանվի առանձնահատկություններն են թեթևությունը, ամուր հենոցը, խոյի եղջյուրներ հիշեցնող կոր ղեկը։

Եթե նախընտրում եք երթևեկել ասֆալտապատ ճանապարհով, ձեզ համար ավելի հարմար կլինեն քաղաքային հեծանիվները: Եթե ձեզ համար էական չեն մեծ արագությունը կամ ռեկորդները, իսկ երթևեկել պատրաստվում եք ասֆալտով կամ լավ բնահողով, դա ձեր հեծանիվն է: Քաղաքային հեծանիվների առավելությունները շատ են.

Bianchi

- լայն տեսականի` ցանկացած կարիքների համար` թեթև ծալվող հեծանիվներից մինչև վսեմ հեծանիվներ: Դրանք հարմարավետ են երթևեկության համար. նստադիրքը այնպիսին է, որ մեջքը չհոգնի, նստատեղը փափուկ է, ղեկի համար կան հատուկ բռնակներ, անվտանգ ոտնակներ, հարթ անվադողեր, ինչի շնորհիվ հեծանիվը հոյակապ ընթանում է և տնտեսում ձեր ուժերը:

Էքստրիմի սիրահա՞ր եք: Ձեզ չեն հրապուրում հեռավոր տարածությունները, սակայն դուք ցանկանում եք ապշեցուցիչ հնարքներ յուրացնել հեծանվի վրա, տարատեսակ «ֆիշկաներ» իրականացնել քաղաքում աստիճանների և ճաղաշարերի վրա: Ցանկանո՞ւմ եք ցնցել շրջապատին: Եթե այո, ապա ձեզ հարկավոր են hardtail-եր: Ողջ աշխարհի էքստրեմալները նաև շատ սիրում են BMX` սպորտային հեծանիվներ բարձր ղեկով, որոնք նախատեսված են ցատկերի և արհեստական արգելքների հաղթահարման համար:

Էլեկտրահեծանիվները, որոնք, ի տարբերություն սովորական հեծանիվների, օժտված են էլեկտրական շարժիչով, հարմար կլինեն նույնիսկ սկսնակների համար: Այսպիսի հեծանվով առանց էական ջանքերի նույնիսկ սկսնակը կարող է հաղթահարել վերելք դեպի լեռ և զարգացնել մինչև 50 կմ/ժ արագություն:

Հեծանիվի արդյունաբերությունը չի մոռացել նրա գեղեցիկ սեռի ներկայացուցիչներին` կանանց համար առաջարկելով կանացի հեծանիվներ: Վերջիններս հայտնի են դեռևս այն ժամանակներից, երբ կանայք կրում էին միայն զգեստներ և կիսաշրջազգեստներ: Հարմարավետության համար հեծանիվի որոշ արտադրողներ հենոցի վերևի խողովակն ավելի ցածր էին տեղադրում կամ թողնում էին միայն ստորին խողովակը:

Սակայն երբ ժամանակակից կանայք առօրյա կյանքում կիսաշրջազգեստը փոխարինեցին տաբատով, ընկերությունների մեծ մասը հրաժարվեց կանացի մոդելներից. շատ ապրանքատեսակներ արտադրում են ունիսեքս հեծանիվներ:

Երեխաների և դեռահասների համար նախատեսված հեծանիվների աշխարհը ևս շատ բազմազան է։ Հեծանիվը, թերևս, երեխաների առաջին «տրանսպորտային» միջոցն է։ Հիմնական աստիճանավորումը ձևավորվում է ըստ երեխայի տարիքի և հասակի` ամենափոքր 12" դյույմանոց անիվներից մինչև դեռահասների համար նախատեսված 24" դյույմանով անիվներ։ Հատկանշական է, որ ավելի պահանջկոտ դեռահասների հեծանիվները կարող են լինել լեռների համար նախատեսված հեծանիվի կամ գեղեցիկ կրուիզերի փոքրիկ նմանակը։
3
Ինչպե՞ս ընտրել հենց ձեզ համապատասխան հեծանիվ
Ամեն ինչ կախված է ձեր ֆիզիկական տվյալներից, ավելի հստակ` հասակից և քաշից։ Bianchi–ի  խորհրդատուների կարծիքով, որպեսզի հեծանիվ քշելը ձեզ իսկապես հաճույք պատճառի, պետք է անպայման ընտրել հասակին իսկապես հարմար հենոց։ Եթե այն լինի փոքր կամ մեծ, ապա հեծանիվ քշելը կլինի միայն անհարմար և հիասթափեցնող։ Համապատասխան չափ ընտրելու ամենապարզ միջոցն է կանգնել հենոցի վրա` հեծանվի թամբիկի առաջ այնպես, որպեսզի թամբիկը հենվի պոչուկին, իսկ հենոցը լինի ոտքերի միջև։ Ձեր մարմնի և հենոցի միջև նվազագույն հեռավորությունը պետք է կազմի 2,5 սմ–ից ոչ պակաս։ Էքստրիմի տարրեր պարունակող ակտիվ երթևեկության դեպքում հարկավոր է, որպեսզի այդ հեռավորությունը լինի ավելի մեծ, հանգիստ երթևեկության դեպքում բավարար է ընդամենը 10 մմ։ Սակայն այս կանոնը չի գործում այսպես կոչված «կանացի» հենոցների համար`ցածրացված վերին խողովակով կամ առանց դրա։

Հենոցի չափը հիմնականում նշվում է դյույմերով և գրվում է թամբատակի խողովակի վրա։ Որոշ արտադրողներ հենոցի չափը նշում են սանտիմետրով կամ տառերով (S, M, L)։ Հենոցի չափն ազդում է հեծանվորդի նստելաձևի վրա։ Եթե այն մեծ է, ապա քշելիս հեծանվորդը ստիպված է լինում ձգվել, ինչի հետևանքով հոգնում են մեջքն ու դաստակները։ Իսկ եթե հենոցը փոքր է, հեծանվորդը, կարծես, կախվում է, ինչի հետևանքով ձեռքերի վրա է ընկնում մարմնի քաշի հիմնական մասը, ինչի հետևանքով էլ ձեռքերը թմրում են։ Միաժամանակ հեծանվորդը ստիպված է լինում գլուխն անընդհատ վեր բարձրացնել ճանապարհը տեսնելու համար, ինչի հետևանքով ցավում է նաև վիզը։
4
Ի՞նչ անել, եթե մարմնի պարամետրերը չեն համապատասխանում ընտրած հեծանիվին
Այս դեպքում խնդրեք վաճառողին կարգավորել հեծանիվն` ըստ ձեր անհատական պարամետրերի, մասնավորապես կարգավորել նստատեղի և ղեկի բարձրությունը։
5
Էլ ի՞նչ է հարկավոր իմանալ հեծանիվ գնելիս
Հեծանիվի սիրտը հենոցն է, որը որոշում է հեծանիվի «վարքը», այն պատասխանատու է երթևեկությունից ստացված զգացողությունների համար։

Այսօր հենոց պատրաստելու համար ամենատարածված նյութն ալյումինն է։ Ավելի հազվադեպ օգտագործվում է պողպատը, կարբոնը, մագնիումն ու տիտանը։ Եվս մեկ կարևոր չափանիշ է կախովի սարքավորումը, որի միջոցով փոխում են արագությունը։ Հեծանիվ գնելիս միշտ հարկավոր է ուշադրություն դարձնել (հենոցից հետո) նաև հեծանիվի վրա տեղադրված կախովի սարքավորման որակի վրա։ Այդ սարքավորման արտադրության ոլորտում համաշխարհային առաջատարն է Shimano ճապոնական կորպորացիան։ Այսօր շատ հազվադեպ է հանդիպում հեծանիվ, որի մասերից գոնե մեկը պատրաստված չէ Shimano–ի կողմից։ Պայմանականորեն դրանք կարելի է բաժանել երկու կարգի` սիրողական և սպորտային։
6
Ինչպե՞ս չափից ավել չվճարել
Նախևառաջ, հարկավոր է հստակ որոշել, թե որքան գումար եք պատրաստ ծախսել հեծանիվ ձեռք բերելու վրա: Ինչպես և ցանկացած ապրանքի դեպքում, մարդ չի ուզում ավել վճարել, սակայն, միաժամանակ, պատրաստ է վճարել որակի դիմաց: Այստեղ ընտրությունը ձերն է, սակայն ավելի ճիշտ կլինի պարզել ձեր հեծանվի ապրանքանիշը, արտադրողին և ներմուծողին: Կարող եք խորհրդակցել նրանց հետ, ովքեր բազմիցս օգտվել են հենց այդ խանութի ծառայություններից: Ճիշտ կլինի նաև, եթե խանութում զեղչային համակարգ գործի:
7
Իսկ կա՞ երաշխիք
Պարտադիր հարցրեք, արդյոք սահմանե՞լ է խանութի վաճառողը երաշխիքային ժամկետ իր ապրանքի համար: Չի խանգարի նաև ճշտել` արդյոք խանութն ունի՞ իր երաշխիքային վերանորոգման սրահը: Գնման ժամանակ հետևեք, որպեսզի երաշխիքային կտրոնը ճիշտ և ընթեռնելի լրացվի:
8
Այժմ ամեն ինչ պարզ է, որտեղի՞ց հեծանիվ գնել
Երևանի հենց կենտրոնից՝ Սարյան 26/3 հասցեից: Հենց այնտեղ է գտնվում մասնագիտացված Bianchi խանութը, որտեղ վաճառվում են աշխարհահռչակ իտալական Bianchi ապրանքանիշի հեծանիվները:

Bianchi ընկերությունը աշխարհում ամենահներից մեկն է: 130 տարվա ընթացքում բազմաթիվ հանրաճանաչ մարզիկներ Bianchi–ի հեծանիվներով մասնակցել և հաղթել են այնպիսի հեղինակավոր հեծանվավազքերում, ինչպիսիք են Le Tour de France-ը, Giro d’Italia-ն, La Vuelta-ն, Paris-Roubaix-ն և այլն:

Bianchi հեծանիվներով հանդես են եկել հեծանվասպորտի բազմաթիվ լեգենդներ, մասնավորապես, Ֆաուստո Կոպպին, Մարկո Պանտինին, Յան Ուլրիխը:

Bianchi խանութում ներկայացված է հեծանիվների լայն տեսականի՝ մանկականից մինչև պրոֆեսիոնալ մոդելներ, որոնք նախատեսված են հեծանվասպորտի տարբեր տեսակների համար:

Դե ի՜նչ, պտտեք երջանկության անիվները և առողջ եղեք:

Ի՞նչ է նշանակում համատեղ նյութեր «Նովոստի–Արմենիա» կայքում >>