525.85
7.42
476.44
+9
Եղանակը Երևանում
Հայ
18:09 | 16 Հունիսի 2017
Ինչպե՞ս գումար խնայել ռոումինգում
1
Ի՞նչ է ռոումինգը

Ժամանակակից բջջային կապը մարդկանց առջև լայն հնարավորություններ է բացում, չէ՞ որ բջջային հեռախոսի օգնությամբ այսօր կարելի է ոչ միայն զանգահարել հարազատներին, բարեկամներին և գործընկերներին մեկ բնակավայրի սահմաններում, այլ նաև կապվել նրանց հետ երկիր մոլորակի ցանկացած անկյունից։ Միջազգային շփումը հասանելի է դառնում ռոումինգ ծառայության շնորհիվ։

Роуминг

«Ռոումինգ» բառն առաջացել է անգլերեն «roaming» (ճամփորդել, թափառել) բառից, և այդ սահմանումը ճշգրիտ արտացոլում է այս գործառույթի էությունը։ Մենք բոլորս սիրում ենք ճանապարհորդել, բայց, միաժամանակ, ուզում ենք մնալ կապի մեջ մեր սիրելիների հետ, պահպանել մեր հեռախոսահամարը: Ռոումինգը հենց այդպիսի հնարավորություն է տալիս. օգտվել նույն հեռախոսահամարից հեռավոր ճանապարհորդությունների ընթացքում, այսինքն, այնտեղ, որտեղ ձեր օպերատորի ցանցը չի գործում։ Իհարկե, գները մի փոքր բարձր կլինեն, քան ձեր երկրում է, սակայն եթե միացնել շահավետ սակագնային տարբերակ, դուք կարող եք զգալիորեն տնտեսել:
2
Ինչի՞ց է կախված ռոումինգի գինը

Ռոումինգի սակագինը, նախ ևառաջ, կախված է այն երկրից, ուր պատրաստվում եք մեկնել։ Օրինակ, ԱՊՀ երկրներում ռոումինգի գները նախկինում բավականին բարձր էին, քան Եվրամիության երկրներում։ Սա բացատրվում է նրանով, որ Եվրախորհրդարանն արդեն վաղուց կարգավորում է Եվրամիության բոլոր բաժանորդների համար խոսակցության մեկ րոպեի առավելագույն հասանելի գինը։ Իսկ 2017 թ.–ի հունիսից ուժի մեջ է մտել մի օրենք, համաձայն որի` Եվրամիության ողջ տարածքում ` միայն իր բնակիչների համար չեղարկվում է ռոումինգի դիմաց վճարը։ Ցավոք, այս փոփոխությունը Հայաստանի վրա որևէ կերպ չի տարածվում։

Роуминг

Պետք է նշել, որ ռոումինգի սակագները ձևավորվում է օպերատորը, և դրանք կախված են տեղական և արտասահմանյան օրենսդրություններից, տեղական օպերատորների հետ հարաբերություններից և բազմաթիվ այլ գործոններից։
3
Իսկ կարելի՞ է չօգտվել ռոումինգից

Իհարկե, կարելի է, օրինակ անջատել հեռահաղորդակցության բոլոր տեսակները և հանգիստ անցկացնել արձակուրդը, չնայած պետք է նշել, որ ոչ բոլորը կարող են իրենց նման շռայլություն թույլ տալ` լինել անհասանելի հանգստի ժամանակ։

Դրա համար որոշ բաժանորդներ օգտվում են տարբեր մեսենջերներից, որոնք թույլ են տալիս գումար չծախսել ձայնային ծառայությունների վրա։ Սակայն կա մեկ շատ կարևոր փաստ` հօգուտ ռոումինգի, որը թույլ կտա ըստ արժանվույն գնահատել այդ ծառայությունը։ Բանն այն է, որ ցանկացած մեսենջեր չի աշխատում առանց ինտերնետի, և դժվար թե ձեզ դուր կգա օտար երկրում դես ու դեն վազել`փնտրելով անվճար Wi-Fi միայն հարազատներին տեղեկացնելու համար, որ ձեզ մոտ ամեն ինչ նորմալ է։

Առաջադեմ հայացքներ ունեցող բաժանորդները կարող են տեղական SIM քարտ գնել։ Ւհարկե, դա միշտ չէ, որ ձեռնտու և հարմար է։ Խնդիրը և' լեզվի չիմացությունն է, և' միայն ռեզիդենտներին էժան սակագների տրամադրումը, և' ինչ–որ մոդեմի տեսքով ծանրաբեռնվածությունը, ինչն արդյունքում կարժենա ավելի թանկ, քան ռոումինգ ծառայությունների ակտիվացումը։
4
Ինչպե՞ս գումար չկորցնել

Ռոումինգում բջջային ծառայություններից օգտվելուց առաջ նախօրոք ուսումնասիրեք ձեր բջջային օպերատորների գնացուցակը, քանի որ ռոումինգում գները լինում են շատ ավելի բարձր` ձեր սովորական սակագնային պլանների համեմատ։

Գտնվելով ռոումինգում` մի անջատեք մուտքային զանգերը, քանի որ որոշ օպերատորներ նման զանգերի դիմաց ևս գումար են գանձում, և դուք, ամեն դեպքում, ստիպված կլինեք վճարել։

Ռոումինգում համեմատաբար էժան կապի միջոց կարող են լինել sms հաղորդագրությունները։ Ուղարկելով կարճ, բովանդակալից հաղորդագրություն` կարելի է ոչ միայն անհրաժեշտ տեղեկություն հաղորդել, այլև գումար տնտեսել։

Роуминг
 
Ինչ վերաբերում է ինտերնետին, ապա այստեղ պետք է ուշադիր լինել և չօգտագործել այն առանց ծայրահեղ անհրաժեշտության։ Սակայն եթե դուք ամեն դեպքում որոշել եք օգտվել ինտերնետից, ապա անպայման հետևեք օգտագործվող տրաֆիկին։ Ժամանակակից սմարթֆոնները, որոնք ունեն տարբեր ծառայությունների և հավելվածների լայն ընտրանի, կանոնավոր կերպով «պահանջում են» ինտերնետի հասանելիություն և թարմացման հնարավորություն։ Տրաֆիկի ծավալն ու գումարը վերահսկելու նպատակով խորհուրդ է տրվում ձեր հեռախոսում անջատել բոլոր հավելվածների ինտերնետային հասանելիությունը։

Տրաֆիկը տնտեսելու համար կարելի է անջատել պատկերների ներբեռնման հնարավորությունը հեռախոսի բրաուզերում։ Շատ մարդիկ, գտնվելով ռոումինգում, պարզապես անջատում են ինտերնետային հասանելիությունը և գումար տնտեսում։
5
Ի՞նչ է հարկավոր իմանալ ճամփորդելուց առաջ

Երկրից դուրս գալուց առաջ ձեր օպերատորից պարզեք` արդյոք նա ունի՞ գործընկեր այն երկրում, ուր դուք ուղևորվում եք։ Գործընկեր–օպերատորի առկայության դեպքում սակագները բաժանորդների համար շահավետ կերպով տարբերվում են այլ առաջարկներից։

Բնականաբար, հարկավոր է ծանոթանալ ռոումինգի գներին այս կամ այն երկրում` հետագայում մտերիմների հետ շփման համար երկար հաշվի տեսքով տհաճ անակնկալի հետ չբախվելու համար։ Հարկավոր է նաև ճշտել ռոումինգում բջջային ինտերնետի միացման հնարավորությունն ու գործող սակագները։

Կարևոր է նաև իմանալ, որ ռոումինգի սակագները մի փոքր ավելի բարձր են, քան տեղական զանգերինը, այդ պատճառով օտարերկրյա ճամփորդություններից առաջ խորհուրդ է տրվում հաշվի վրա գումար փոխանցել, որը կպահանջվի խոսակցությունների համար։ Սակայն եթե դուք սխալ եք հաշվարկել անհրաժեշտ գումարն ու գերազանցել եք ձեր սահմանաչափը, մի' հուսահատվեք։

Роуминг

Դուք, ամեն դեպքում, կկարողանաք մնալ կապի մեջ` պարզապես խնդրելով ձեր մտերիմներին համալրել ձեր հաշիվը։ Ucom ընկերությունը նման հնարավորություն է ընձեռում իր բաժանորդներին, հարկավոր է միայն ուշադիր հետևել հրահանգներին և մուտքագրել ռոումինգում գտնվող բաժանորդի ճիշտ հեռախոսահամարը։
6
Ինչպե՞ս միացնել ռոումինգը

Ավելի լավ է ճամփորդությունից առաջ պարզել ձեզ մոտ միացվա՞ծ է ռոումինգ, թե՞ ոչ, քանի որ յուրաքանչյուր օպերատոր ունի ռոումինգի միացման իր ձևը, սակագնային պլանները։ Կարևոր է նաև այն փաստը, թե ինչ համակարգի բաժանորդ եք դուք` կանխավճարայի՞ն, թե՞ հետվճարային։

Ռոումինգի միացման պայմաններին կարելի է ծանոթանալ ինչպես օպերատորի սպասարկման և վաճառքի գրասենյակներում, այնպես էլ առցանց` պարզապես ընթերցելով մանրամասն կարգավորումները ինտերնետում, մասնավորապես` Ucom բջջային օպերատորի կայքում։ Ընդ որում, միացման տարբերակներից բացի, օպերատորը կարող է նաև տրամադրել լրացուցիչ տեղեկություն և խորհուրդներ` այս կամ այն երկրում ռոումինգ միացնելու համար։

Եթե ձեզ մոտ ակտիվացված է նման ծառայություն, ապա ռոումինգը կմիանա ավտոմատ կերպով այն օպերատորի ծածկույթի գոտում, որի հետ ձեր բջջային ընկերությունը պայմանագիր է կնքել։ Եթե դուք գտնվում եք մի քանի օպերատորների ցանցերի ծածկույթի գոտում, ապա զանգ կատարելուց առաջ ընտրեք այն օպերատորին, որին ձեզ խորհուրդ են տվել ձեր բջջային ընկերությունում։
7
Ինտերնետ ռոումինգ

Ժամանակակից աշխարհում ինչպե՞ս կարելի է ճամփորդել առանց ինտերնետ հասանելիության։ Չէ՞ որ ձեզ, անկասկած, անհրաժեշտ կլինի ստուգել էլեկտրոնային փոստը, շփվել ընկերների հետ սոցիալական ցանցերում կամ հրապարակել ճամփորդության լուսանկարները։ Սակայն բջջային ինտերնետ ռոումինգի սակագները շատ են տարբերում ձեր ստանդարտ ինտերնետ փաթեթից։

Карта, телефон, навигатор, местонахождение

Եթե ձեր երկրում դուք օգտվում եք անսահմանափակ սակագնային պլաններից կամ փաթեթային առաջարկներից, ապա ռոումինգում, բնականաբար, չեք ցանկանա հրաժարվել ինտերնետից։ Եվ այստեղ ևս ձեզ հարկավոր կլինի օգտվել առավել շահավետ սակագնային պլանից։ Ամեն ինչ կախված է այն փաստից, թե ինչ ինտերնետ փաթեթ եք ցանկանում ակտիվացնել։ Այսպես, եթե դուք Ucom բջջային օպերատորի բաժանորդ եք, ապա կարող եք 100 ՄԲ–ից մինչև 1 ԳԲ ծավալով ինտերնետ ակտիվացնել ամսական 3,9 հազարից մինչև 24,9 հազար դրամի դիմաց։
8
Ռոումինգ ակցիաներով

Եվ, իհարկե, հաշվի առեք, որ յուրաքանչյուր օպերատոր փորձում է իր բաժանորդների համար ստեղծել առավել հարմարավետ պայմաններ` առաջարկելով ռոումինգի գների տարատեսակ ակցիաներ ակտիվ տուրիստական սեզոնների ժամանակ։ Բնականաբար, ճամփորդությունից առաջ հարկավոր է ծանոթանալ առաջարկներին և ընտրել առավել հարմար տարբերակը։

Օրինակ, Ucom բջջային օպերատորն իր բաժանորդների համար պատրաստել է «Ամառային առաջարկ ռոումինգում»։

Մուտքային զանգեր ընդունելը հիմա այդքան էլ թանկ չէ։ Ucom ընկերությունը «Ամառային առաջարկի» շրջանակում իր բաժանորդներին հնարավորություն է ընձեռում զանգել Հայաստան և ընդունել զանգեր 150 դրամ/րոպե սակագնով, շարժական ինտերնետի արժեքն է ընդամենը 29 դրամ/ՄԲ։

Роуминг

Միաժամանակ նման սակագներով կարելի է ճամփորդել Եվրոպայի բոլոր հայտնի պետություններում և հանգստավայրեր ունեցող երկրներում, մասնավորապես, Վրաստանում, Եգիպտոսում, Իսրայելում կամ Կանադայում։ Բացի այդ, հանգստանալով Արաբական Միացյալ Էմիրություններում` կարելի է օգտվել շարժական ինտերնետի հատուկ սակագնից` 29 դրամ/ՄԲ, միաժամանակ մնացած բոլոր ծառայությունների համար սահմանված է մեկ սակագին` 400 դրամ։

«Ամառային առաջարկից» օգտվելու համար հարկավոր է այդ երկրում միանալ Ucom ընկերության կայքում նշված գործընկեր–օպերատորին ։ Գործընկերների ցանկին կարելի է ծանոթանալ այստեղ։–0–