ԵՐԵՎԱՆ, 29 ապրիլի. /Նովոստի Արմենիա/. Գերմանիան ներկայացնող հայ պրոֆեսիոնալ բռնցքամարտիկ Արթուր Աբրահամն ապրիլի 28-ին հաղթել է դանիացի Պատրիկ Նիկսենին:
«Sieg!!!! Victory!!!! Haxtanak!!!!», - գրել է բռնցքամարտիկը մենամարտից հետո, որը կայացել է Օֆենբուրգի «Բադեն Արենայում»:
Ինչպես հայտնում է gazeta.ru-ն, 12-ռաունդանոց մենամարտում դատավորների որոշմամբ հաղթել է 38-ամյա Աբրահամը, ով դարձել է WBO International վարկածով երկրորդական տիտղոսակիր երկրորդ միջին քաշում:
Նրա հաջորդ մենամարտը կլինի գերմիջին քաշային կարգի աշխարհի չեմպիոնի կոչման համար:-0-