ԵՐԵՎԱՆ, 12 դեկտեմբերի. /Նովոստի Արմենիա/. «Մանչեսթեր Յունայթեդի» կիսապաշտպան ու Հայաստանի հավաքականի ավագ Հենրիխ Մխիթարյանն ընդգրկվել է 2017 թվականի լավագույն փլեյմեյքերների ցուցակում` երեք միավորով զբաղեցնելով միջազգային IFFHS վարկանիշի 16-17-րդ հորիզոնականները:
Загружается новость ... "Лево"
IFFHS–ին ֆուտբոլային պատմության և վիճակագրության միջազգային ֆեդերացիա է: Այն հիմնվել է Լայպցիգում 1984 թվականի մարտի 27-ին բժիշկ Ալֆրեդո Պեգեի կողմից: Հիմա այն տեղակայվում է գերմանական Բոնում։
20 հայտնի ֆուտբոլիստների ցանկում Մխիթարյանը երեք միավորով կիսում է 16-17 տեղը Թուրինի «Յուվենտուսի» ֆրանսիացի կիսապաշտպան Բլեզ Մաթյուիդի հետ:
Առաջին հորիզոնականն է զբաղեցնում կատալոնական «Բարսելոնայի» ու Արգենտինայի հավաքականի ավագ Լիոնել Մեսսին։ Պատվավոր ցանկը եզրափակում է «Մանչեսթեր Սիթիի» պորտուգալացի կիսապաշտպան Բերնարդու Սիլվան և նույն ակումբի խաղացող Դավիդ Սիլվան:
Աշխարհի լավագույն փլեյմեյքերների ցանկն ունի հետևյալ տեսքը.
1. Լիոնել Մեսի (Արգենտինա/ «Բարսելոնա») – 247 միավոր
2. Թոնի Կռոս (Գերմանիա/ «Ռեալ Մադրիդ») – 90 միավոր
3. Լուկա Մոդրիչ (Խորվաթիա/ «Ռեալ Մադրիդ») և Նեյմար (Բրազիլիա/ՊՍԺ) – 81 միավոր
5. Քևին Դե Բրյույնե (Բելգիա/ «Մանչեսթեր Սիթի») – 53 միավոր
6. Իսկո (Իսպանիա/ «Ռեալ Մադրիդ») -36 միավոր
7. Անդրեաս Ինյեստա (Իսպանիա/ «Բարսելոնա») – 29 միավոր
8. Ֆելիպե Կոուտինյո (Բրազիլիա/ «Լիվերպուլ») – 17 միավոր
9. Պաոլո Դիբալա (Արգենտինա, «Յուվենտուս») – 16 միավոր
10. Քրիստիան Էրիկսեն (Դանիա/ «Թոթենհեմ») – 14 միավոր
11. Կրիշտիանու Ռոնալդու (Պորտուգալիա/ «Ռեալ Միադրիդ») – 12 միավոր
12. Պոլ Պոգբա (Ֆրանսիա/ «Մանչեսթեր Յունայթեդ») – 9 միավոր
13. Մեսութ Օզիլ (Գերմանիա/ «Արսենալ») – 6 միավոր
14. Դելլե Ալի (Անգլիա/ «Թոթենհեմ») – 5 միավոր
15. Էդեն Ազար (Բելգիա/ «Չելսի») – 4 միավոր
16. Բլեզ Մաթյուիդի (Ֆրանսիա/ «Յուվենտուս») և Հենրիխ Մխիթարյան (Հայաստան/ «Մանչեսթեր Յունայթեդ) – 3 միավոր
18. Մարեկ Գամշիկ (Սլովակիա/ «Նապոլի») 2 միավոր
19. Բերնարդու Սիլվա (Պորտուգալիա/ «Մանչեսթեր Յունայթեդ») և Դավիդ Սիլվա (Իսպանիա/ «Մանչեսթեր Սիթի») – 1 միավոր: -0-
