ԵՐԵՎԱՆ, 21 հոկտեմբերի: /Նովոստի Արմենիա/. Ամերիկայի Անքասվիլլե քաղաքի Mohegan Sun Arena-ում ավարտվել է Bellator 185 շրջանակում նախատեսված գլխավոր մենամարտը։
Ուժերը չափում էին Strikeforce, Dream, Cage Warriors-ի նախկին չեմպիոն, ոչ վաղ անցյալում UFC վարկանիշի երրորդ հորիզոնականը զբաղեցնող Գեղարդ Մուսասին (Մոսեսյան) և Bellator-ի նախկին չեմպիոն Ալեքսանդր Շլեմենկոն:
Առաջին ռաունդում Հոլանդիան ներկայացնող հայ մարզիկ Մուսասին խեղդող հնարքներ էր կիրառում և փորձում օգտագործել եռանկյունին, սակայն Շլեմենկոն կարողանում էր դիմակայել և մրցակցին ավելի շատ վնասվաքներ պատճառել, գրում է championat.com-ը.
Առաջին ռաունդում Մուսասին աջ աչքի տակ հեմատոմա է ստանում, որը հետագայում իրեն շատ է խանգարում: Բժիշկի թույլտվությամբ Գեղարդը շարունակում է մենամարտը երկրորդ ռաունդում, որի ավարտին Շլեմենկոն նույն պես վնասվածք է ստանում:
Ռուս մարզիկը հաջողությամբ կարողանում է ավարտել երրորդ ռաունդը, սակայն մրցավարների բավականին վիճահարույց որոշմամբ 29:28 հաշվով հաղթող է ճանաչվում Մուսասին: -0-