Ռոբոտ Սոֆյան խնդրել է իրեն հայերեն սովորելու համար ժամանակ տալ (ՎԻԴԵՈ)
23:14
10 Հոկտեմբերի 2018
ԵՐԵՎԱՆ, 10 հոկտեմբերի. /Նովոստի–Արմենիա/. Բացառիկ ռոբոտ Սոֆյան, ով ՄԱԿ—ի կողմից ճանաչվել է որպես մարդ, քաղաքացիություն ունի և գտնվում է Հայաստանում Ֆրանկոֆոնիայի միջազգային կազմակերպության 17–րդ գագաթնաժողովի շրջանակում, շփվեց լրագրողների հետ։
Նա մասնավորապես ասաց, որ առաջին անգամ է Հայաստանում և պատասխանեց այն հարցին, թե իսկապե՞ս մի քանի բառ գիտի հայերեն։
«Ես դեռ սովորում եմ, մի փոքր ժամանակ տվեք ինձ»,– ասաց նա անգլերեն լեզվով։
Սոֆյայի հետ շփումն իրականացվում էր հատուկ միկրոֆոնով, սակայն ռոբոտի նկատմամբ մեծ հետաքրքրությունը ֆոնային աղմուկ էր ստեղծում, ինչն էլ բարդացնում էր հաղորդակցությունը։
Հարցուպատասխանից հետո նա դարձավ բազմաթիվ լուսանկարների հերոսուհի, իսկ այդ նշանակալի օրն անմահացնել ցանկացողների հերթը չէր դադարում։
Ռոբոտ Սոֆյան արդեն ելույթ է ունեցել «Տումո»–ում համաժողովի մասնակիցների առջև։ Ելույթի ընթացքում լսարանի հետ անմիջական շփում հաստատվեց։ Դասական հագնված ռոբոտը պատասխանում էր միջոցառման հաղորդավարի հարցերին։ Կնոջ տեսքով հումանոիդ Սոֆյայի հեղինակները հոնկոնգյան Hanson Robotics ընկերության մասնագետներն են։
Ռոբոտը նախագծվել է այնպես, որ սովորի և հարմարվի մարդկանց վարքին, ինչպես նաև աշխատի նրանց հետ։ 2017 թվականի աշնանը Սոֆյան դարձել է Սաուդյան Արաբիայի հպատակ և որևէ երկրի քաղաքացիություն ստացած առաջին ռոբոտը։ -0-
Երկարատև ձմռանից հետո օրգանիզմը վերականգնվելու կարիք է զգում։ Բայց պարտադիր չէ անդադար հաբեր խմել` անհրաժեշտ միկրոէլեմենտներ ստանալու համար, այլ կարելի է պարզապես բլենդերում մրգեր և բանջարեղեն դնել և սննդարար ու օգտակար կոկտեյլ պատրաստել
Gallup International-ի հարցման արդյունքները ցույց են տալիս, որ Հայաստանի բնակիչների կեսից ավելին կարծում է, որ Ռուսաստանի հետ հարաբերությունների խզումը չի համապատասխանում ազգային շահերին
Դիմադրության շարժման հայազգի հերոս Միսաք Մանուշյանի ու նրա կնոջ` Մելինե Մանուշյանի աճյուններն ամփոփվեցին Ֆրանսիայի մեծագույն գործիչների պանթեոնում․ ՖՈՏՈ
