ԵՐԵՎԱՆ, 2 մայիսի./Նովոստի–Արմենիա/. «Միսս ԱՊՀ» գեղեցկության միջազգային մրցույթի եզրափակիչը կանցկացվի Երևանում հունիսի 6–ին։
Ինչպես «Նովոստի–Արմենիա» գործակալությանը հայտնեցին մրցույթի կազմակերպիչները, մրցույթին կմասնակցեն ԱՊՀ տասներեք երկրների 18-25 տարեկան 20-25 գեղեցկուհիներ, ովքեր դարձել են իրենց երկրների ընտրական փուլերի հաղթողներ։
Մրցույթի անցկացման նպատակն ԱՊՀ երկրներըհամաշխարհային կինոարտադրության և նորաձևության ոլորտներում պատշաճ մակարդակով ներկայացնելու ընդունակ աղջիկների բացահայտումն է, հաղթողների պրոֆեսիոնալ զարգացման ապահովումը և նրանց հետագա գործակցումն է նորաձևության աշխարհահռչակ գործակալությունների, պրոդյուսերական կենտրոնների և կինոարտադրողների հետ, ինչպես նաև կապերի ամրապնդումն ԱՊՀ երկրների միջև։
Մրցույթի եզրափակչի ժյուրին կազմված կլինի 11 փորձառու մասնագետներից, այդ թվում` Հայաստանից, Ռուսաստանից և ԱՊՀ այլ երկրներից։ Երևան կժամանեն հայտնի բլոգերներ, նորաձևության ամսագրերի խմբագիրներ, նորաձևության քննադատներ, Համագործակցության երկրների հայտնի դեմքեր և դիզայներներ։
Մրցույթի մասնակցության 6 հազար հայտ է ներկայացվել, դրա լսարանը կազմում է 25 միլիոն մարդ, իսկ մրցանակային ֆոնդը` 16.2 մլն դրամ (ավելի քան 33 հազար դոլար)։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում