ԵՐԵՎԱՆ, 4 փետրվարի. /Նովոստի–Արմենիա/. Քեյթ Միդլթոնը հղի է։ Ինչպես հայտնում են Բուքինհեմյան պալատի աղբյուրները, Քեմբրիջի դքսուհին հղիության երկրորդ ամսում է։
Ընտանիքի համալրման նորությունը նրա ամուսինն ընդունել է մտահոգությամբ և առանց առանձնահատուկ խանդավառության, նշում է ինսայդերը. «Արքայազնը կնախընտրեր սպասել մի քանի տարի կրկին հայր դառնալու համար», հայտնում է
elle.ru–ն։
Քեյթ Միդլթոնը վատ է տանում հղիության առաջին ամիսները, ինչի պատճառով պաշտոնական միջոցառումներին նրա ներկայության ժամանակացույցն անընդհատ փոխվույմ է։ Այսպես, գարնանը Ուիլյամը և Քեյթը կմեկնեն Հնդկաստան և Բութան, ուղևորությունը կարող է տևել մի քանի շաբաթ, իսկ ապրիլին թագավորական ընտանիքը մի շարք միջոցառումներ ունի` կապված Եղիսաբեթ թագուհու 90–ամյա հոբելյանի հետ։ Բայց սա դեռ ամենը չէ` Եղիսաբեթ թագուհու ծննդյան օրվա տոնակատարություններից մեկ շաբաթ անց սպասվում են հենց Ուիլյամի և Քեյթի հարսանիքի հնգամյակին նվիրված տոնախմբություններ։
Բրիտանական մամուլն արդեն հարցադրումներ է կատարում` չարժե, արդյո՞ք, վերահսկել ծնելիությունը, եթե նրանք պատրաստ չեն երրորդ ժառանգի ծնունդին։
Միդլթոնի հիության մասին տեղեկությունը պաշտոնապես չի մեկնաբանվում։ Դա կարող է կապված լինել նրա հետ, որ թագավորական ընտանիքի հերթական համալրման վերաբերյալ ասեկոսեներն անդադար են շրջանառվում։
Արքայազն Ուիլյամը և Քեյթ Միդլթոնն ամուսնացել են 2011 թվականի ապրիլի 28–ին։ Նրանք երկու երեխա ունեն` Գեորգը, ով ծնվել է 2013 թվականի հուլիսի 22–ին, և Շառլոթան, ով լույս աշխարհ է եկել 2015 թվականի մայիսի 2–ին։ -0-
