Ալեն նՍիմոնյանը չբացառեց, որ Բաքուն հիմք է ստեղծում նոր սադրանքի համար

ԵՐԵՎԱՆ, 27 մարտի․/Նովոստի–Արմենիա/․ ՀՀ ԱԺ խոսնակ Ալեն Սիմոնյանը չի բացառել, որ Բաքուն, հանդես գալով հայտարարությամբ ապրիլի 5–ին ՀՀ վարչապետի, Եվրահանձնաժողովի ղեկավարի և ԱՄՆ պետքարտուղարի հանդիպման նախաշեմին, հիմք է պատրաստում նոր սադրանքի համար։

«Բաքվի գործողություններին միանշանակ գնահատականներ տալն անշնորհակալ գործ է, սակայն ես դա չեմ բացառում», – ասաց նա լրագրողներին ԱԺ–ում՝ մեկնաբանելով Ադրբեջանի ԱԳՆ–ի վերջին հայտարարությունները։

Սիմոնյանը չներկայացրեց նախատեսված հանդիպման օրակարգի մանրամասները՝ միայն հայտարարելով, որ դրա մասին ոչինչ չգիտի։

ԱԺ խոսնակը նաև չբացառեց այս ձևաչափի շրջանակում Հայաստանին ֆինանսական օգնության տրամադրման հնարավորությունը։

Ավելի վաղ Ադրբեջանի արտաքին գործերի նախարարությունն արձագանքել էր Եվրահանձնաժողովի նախագահի, Հայաստանի վարչապետի և ԱՄՆ պետքարտուղարի՝ ապրիլի 5-ին նախատեսված համատեղ հանդիպմանը։ Բաքուն, մասնավորապես, հայտարարել է, որ ԵՄ-ի, Հայաստանի և ԱՄՆ-ի համատեղ համաժողովն ակնհայտորեն կրում է միակողմանի է և կողմնակալ բնույթ։ Ադրբեջանի ԱԳՆ-ի հայտարարության համաձայն՝ այս հանդիպումը հիմնված է «երկակի ստանդարտների» վրա և նաև ստեղծում է նոր բաժանարար գծեր և «ազդեցության շրջանակներ» տարածաշրջանում։ --0—