ԻՊ գրոհայինները 250 կանանց են գնդակահարել սեքս–ծառա դառնալուց հրաժարվելու համար

ԵՐԵՎԱՆ, 20 ապրիլի. /Նովոստի–Արմենիա/. «Իսլամական պետություն» ահաբեկչական խմբավորման գրոհայինների 250 կանանց են գնդակահարել Մոսուլում սեքս–ծառայություններ մատուցելուց հրաժարվելու համար, հայտնում է Lenta.ru–ն` հղում անելով The Daily Mail–ին։

Իրաքյան Քրդստանի ներկայացուցիչ Սաիդ Մամուզինիի տվյալներով, կանանց և աղջիկներին պարտադրել են ժամանակավորապես ամուսնանալ իսլամիստների հետ, այսինքն, ըստ էության, նրանց հարճերը դառնալ։ «Սեքս ջիհադին» մասնակցելուց հրաժարվածներին գնդակահարել են, երբեմն ընտանիքների հետ։

Քրդական ինքնավարության մեկ այլ ներկայացուցիչ ասել է, որ Մոսուլում կանանց արգելված է մենակ տնից դուրս գալ, հայտնվել հասարակական վայրերում բաց դեմքով և առանց գլխաշորի, ինչպես նաև ինքնուրույն ամուսին ընտրել։

«Սեքս ջիհադ» հասկացությունը հայտնվել է 2013 թվականին։ Այն ժամանակ Սաուդյան Արաբիայի վահաբիթ քարոզիչ Մուհամադ ալ Արիֆին կոչ է արել սունի կանանց ժամանել Սիրիա «աշխարհազորայիններին Բաշար Ասադի ռեժիմի դեմ պայքարում օգնելու» համար` սեռական ծառայություններ մատուցելով մարտիկներին։

Արիֆին նշում էր, որ «սեքս կամավորությունը մահմեդական կանանց դրախտում տեղ կապահովի»։ ԻՊ գրոհայինների մոտ տարբեր մայրցամաքներից կամավոր հարյուրավոր սուննի կանայք են մեկնել։ Իսլամիստները միաժամանակ գերի են վերցնում քրիստոնյա և եզդի կանանց` ստիպելով նրանց ինտիմ կապի մեջ մտնել ծայրահեղականների հետ։ -0-