ԵՐԵՎԱՆ, 22 հուլիսի. /Նովոստի-Արմենիա/. Դուք կարող եք հսկայական միջոցներ ծախսել երիտասարդացնող թանկարժեք կոսմետիկայի կամ պրոցեդուրների վրա, բայց մաշկը շարունակի ծերանալ: Ինչու՞: Մասնագետները նշում են, որ երիտասարդությունը մեր ներսում է և կախված է ոչ միայն հոգեվիճակից, այլ նաև նրանից, թե ինչ ենք ուտում: Ահա ամենավտանգավոր սննդամթերքների ցուցակն ըստ
woman-rules.ru-ի, որոնք արագացնում են մաշկի վաղաժամ ծերացումը:
1. Ածխաջրեր
Դրանց վնասի մասին միանշանակ խոսել չի կարելի, բայց ամեն ինչ պետք է չափի մեջ լինի: Եթե սննդակարգում գերակշռում են բարձր գլիկեմիկ ինդեքս ունեցող մթերքները, ապա խնդիրները չեն ուշանա: Սպիտակ հացը, մակարոնեղենը և կարտոֆիլը չպետք է կազմեն սննդակարգի հիմքը: Դրանք պարզ շաքարներ են պարունակվում, որոնք, չայրվելու դեպքում, կուտակվում են և դանդաղեցնում կոլագենի արտադրումը: Իսկ կոլագենը պատասխանատու է մեր դեմքի մաշկի գեղեցկության համար:
2. Շաքար
Քաղցրեղենի վնասի մասին մաշկաբանները մշտապես են խոսում: Գլյուկոզայի բարձր մակարդակը դանդաղեցնում է կոլագենի և էլաստանի արտադրումը, որոնք պահում են դեմքը երիտասարդ և առաձգական վիճակում: Երբ դրանց գոյացման արագությունը դանդաղում է, մաշկի վրա կնճիռներ են առաջանում: Ամենաիդեալական տարբերակն ընդհանրապես շաքարից հրաժարվելն է, չէ՞ որ երիտասարդությունն ու գեղեցկությունն ավելի թանկ են:
3. Շաքարի փոխարինիչներ
Ամենից հաճախ սրանք քիմիական են, որոնցից օգուտ չկա, իսկ վնասները մեծ են՝ դրանց չարաշահման դեպքում սննդարար նյութերը դանդաղ են հասնում մաշկին, և այն կնճռոտում է:
4. Ալկոհոլ
Այն ողջ վնասին, որ գործում է ալկոհոլն օրգանիզմի վրա, կարելի է նաև ավելացնել այն, որ այն քայքայում է արյունատար անոթները: Հատկապես դա նկատելի է դեմքի վրա, որտեղ մազանոթները հատկապես մանր են: Արդյունքում մաշկը ձեռք է բերում կարմրագույն երանգ, դառնում է այտուցված և կնճռոտ:
5. Սուր համեմունքներ
Դրանք ջրիկացնում են արյունը և ստիպում քրտինքին ավելի ինտենսիվ արտազատվել՝ միաժամանակ լայնացնելով անոթները: Արդյունքում դեմքին կարող է անոթացանց առաջանալ: Բայց դա վերաբերում է միայն նրանց, ովքեր չարաշահում են սուր համեմունքների օգտագործումը: Իսկ չափավոր օգտագործումը նույնիսկ օգտակար է: -0-
