Հրապարակվել է Փարիզում գողությունից հետո Քիմ Քարդաշյանի համարի տեսագրությունը (ՏԵՍԱՆՅՈւԹ)

ԵՐԵՎԱՆ, 13 հոկտեմբերի. /Նովոստի-Արմենիա/. Ֆրանսիական ոստիկանությունը փնտրում է անհայտ անձին, ով նկարահանել է Քիմին հյուրանոցի համարում` առանց նրա համաձայնության:

Տեսանյութում երևում է հենց մոդելը, ով ծածկոցով փաթաթված նստած է բազմոցին և Facetime-ով խոսում է ինչ-որ մեկի հետ: Այդ ընթացքում նրա օգնականները և թիկնապահները զրուցում են միմյանց հետ, հաղորդում է Life.ru-ն` հղում անելով TMZ-ին:

Գտնվել է Քիմ Քարդաշյանի գողացված զարդերից մեկը>>

Ինչպես հայտնում է կայքը, այժմ Քիմը համագործակցում է ֆրանսիական իշխանությունների հետ` պարզելու համար, թե ով է նկարահանողը: Հարկ է նշել, որ Ֆրանսիայում անօրինական է նկարահանել ինչ-որ մեկին մասնավոր միջավայրում ` առանց համաձայնության:

Եթե օպերատորի ինքնությունը պարզվի, նրան կարող է սպառնալ մինչև մեկ տարի ազատազրկում կամ 50 հազար դոլարի տուգանք, հաղորդում է պարբերականը:

PornHub–ը պարգևավճար է խոստանում Քիմ Քարդաշյանին կողոպտող անձանց մասին տեղեկության համար>>

Հիշեցնենք, որ Քիմ Քարդաշյանի վրա հարձակումը տեղի է ունեցել հոկտեմբերի 3-ին: Նրա համար են ներխուժել ոստիկանական համազգեստով գողեր: Նրանք կապել են աստղին և փակել լոգարանում, սպառնացել են ատրճանակով և պահանջել բոլոր զարդերը: Ընդհանուր առմամբ, աստղից գողացել են 10 մլն եվրոյի զարդեղեն: -0-