ԵՐԵՎԱՆ, 30 սեպտեմբերի. /Նովոստի–Արմենիա/. Ամերիկացի կենսաբաններն ու գենետիկները մշակել են մի մեթոդ, որը թույլ է տալիս չհավաքել քաշ հոգնեցուցիչ դիետաներից հետո։
ԱՄՆ–ի ամենահայտնի բժշկական հաստատություններից մեկի` Մինեսոտա նահանգի Մայո կլինիկայի գիտնականները եկել են այն եզրահանգման, որ մարմնի զանգվածը կարելի է վերահսկել հատուկ հորմոնի` գրելինի (քաղցի հորմոն) միջոցով, հաղորդում է life.ru–ն` հղում անելով PNAS–ին։
Загружается новость ... "Лево"
Մկների վրա արված գիտափորձերը ցույց են տվել, որ հորմոնների վերահսկումը թույլ կտա պահպանել մարմնի ցածր զանգվածը ոչ միայն դիետայից հետո մի քանի շաբաթվա ընթացքում, այլև մի քանի ամիս։
Հորմոնների ակտիվացման նպատակով մկներին ներարկել են ադենոասոցացված վիրուս, որը թույլ է տալիս ակտիվացնել օրգանիզմի նյութափոխանակությունը։ Վիրուսային թերապիայից մի քանի շաբաթ անց «ճարպակալած» մկներին տվել են միայն դիետիկ սնունդ։
Հետազոտության հեղինակները նշում են, որ իր մեխանիկայով հորմոնալ թերապիային նման «վիրուսային» դիետան թույլ կտա ոչ միայն պայքարել ճարպակալման դեմ, այլև նորմայի սահմանում պահել շաքարի մակարդակն օրգանիզմում։–0–
