Արմենչիկը հրաժարվել է ելույթ ունենալ հայազգի օլիգարխի որդու շքեղ հարսանիքին. հայտնի է պատճառը

ԵՐԵՎԱՆ, 4 հուլիսի. /Նովոստի–Արմենիա/. Երգիչ Արմենչիկը հրաժարվել է ելույթ ունենալ ռուսաստանաբնակ խոշոր գործարարներ Ալբերտ Ավդոլյանի և Էլդար Օսմանովի երեխաների հարսանիքին, որը տեղի է ունեցել ԱՄՆ–ում, գրում է «Հայկական ժամանակը»։


 Հրատարակության տվյալներով, նրան 100 հազար դոլար են առաջարկել հուլիսի 2-ին Լոս Անջելեսի Dolby Theatre-ում (որտեղ անցկացվում է «Օսկարի» մրցանակաբաշխությունը) կայացած խնջույքի ժամանակ 2 երգ կատարելու համար, սակայն նա չի համաձայնել:

«Երգչի որոշման պատճառն այն է, որ նա հրավիրված է եղել Լիբանանում անցկացվող «Jounieh Summer Festival 2017» փառատոնին: Այն մեկնարկել է հունիսի 24-ին և ավարտվելու է հուլիսի 9-ին: Փառատոնի շրջանակում Արմենչիկը համերգով հանդես է եկել երեկ՝ հուլիսի 2-ին, Բեյրութում», – նշում են հոդվածի հեղինակները։–0–