ԵՐԵՎԱՆ, 1 հուլիսի./Նովոստի–Արմենիա/. Երկիր մոլորակի որոշ բնակիչներ կարող են երեքշաբթի հետևել Արևի ամբողջական խավարման։ Լուսինը կփակի լուսատուին միայն Չիլիի, Արգենտինայի և Խաղաղ օվկիանոսի հարավ–արևելյան ավազանի շրջանում, սակայն աստղաբանները և թվաբաններն արդեն ասել են, որ այս իրադարձությունը պետք է ազդի մարդկանց ճակատագրերի վրա ամբողջ աշխարհում, ինչպես նաև մի քանի խորհուրդ են տվել, հայտնում է
Московский комсомолец–ը։
Ինչպես հայտնում է թվաբան Լյուդմիլա Սավինան, ում վկայակոչում են մի շարք ԶԼՄ–ներ, արևի խավարման ժամանակ կարևոր է հատուկ ուշադրություն դարձնել ընտանիքի անդամների հետ շփմանը և ընտանեկան խնդիրները տան սահմաններից դուրս չհանել։ Նաև նշվում է, որ խավարման ժամանակ մարդիկ կարող են էմոցիաների պոռթկում ունենալ, սակայն, միաժամանակ, նրանց մոտ կդրսևորվեն փխրունությունը։
Թվաբանը նաև խորհուրդ չի տալիս հունիսի 29–ից հուլիսի 5–ն ընկած ժամանակահատվածում կարևոր գործարքներ կամ ֆինանսական պատասխանատու գործառնություններ իրականացնել։
Հարկ է նշել, որ այս կանխատեսումները որոշակիորեն իսկապես կարող են կատարվել, սակայն դա չի նշանակում, թե դրանք համապատասխանում են իրականությանը։ Դա մասամբ բացատրվում է ամենապարզ ինքնաներշնչմամբ` մարդը, ով իսկապես հավատացել է կանխատեսմանը, իրեն «նյարդային» կզգա, իսկ անվստահությունը կխանգարի հաջողության հասնել։ Այս ամենը թվաբանի խոսքերին չափազանց հավատալն է։ -0-
