Լուկաշենկոն որոշել է դառնալ Էրդողանի գրպանի նախագահը. հայ փորձագետ

ԵՐԵՎԱՆ, 14 ապրիլի. /Նովոստի-Արմենիա/. Բելառուսի նախագահ Ալեքսանդր Լուկաշենկոն որոշել է դառնալ Էրդողանի գրպանի նախագահը, Facebook սոցիալական ցանցի իր էջում գրել է տեղեկատվական անվտանգության հայ մասնագետ Սամվել Մարտիրոսյանը:

«Հարմար է` մտնում է Ռուսաստանի լքած ամեն անկյունը, մոլորված շրջում է: Կարևորը` վարձատրեն: Այժմ նա Էրդողանի հրավերով պատրաստվում է այցելել Իսլամական համագործակցության կազմակերպության գագաթնաժողովը: Կարծում եմ` հունիսին նա կմեկնի բուդդիստների սիմպոզիումի, հուլիսին` ատամնաբույժերի, օգոստոսին` ֆիլատելիստների», - գրել է Մարտիրոսյանը:

Բելառուսի նախագահ Ալեքսանդր Լուկաշենկոն աշխատանքային այցով Թուրքիայում է, որտեղ ապրիլի 14-ին կմասնակցի Իսլամական համագործակցության կազմակերպության գագաթնաժողովին: Նա առաջարկել է Թուրքիայի նախագահ Ռեջեփ Թայիփ Էրդողանին արդիականացնել բելառուսաթուրքական համագործակցության օրակարգը` թարմացնելով առևտրի և էկոնոմիկայի ոլորտի մի շարք կոնկրետ ուղղություններ: -0-