ԵՐԵՎԱՆ, 19 հունվարի. /Նովոստի–Արմենիա/. Նոր Սահմանադրությամբ, 2018-ի ապրիլից Հայաստանի կառավարությունը երեք փոխվարչապետ կունենա:
«Ինչպես հայտնի է, ապրիլի 9-ից և նախագահի լիազորությունների ավարտից հետո Սերժ Սարգսյանը կզբաղեցնի վարչապետի պաշտոնը, որ նոր մոդելի պարագայում երկրի փաստացի ղեկավարի պաշտոնն է»,– գրում է «Հրապարակ» թերթը։
Գրառման համաձայն, գործող վարչապետ Կարեն Կարապետյանի սիրտը շահելու համար նոր պաշտոն են մտադիր ստեղծել՝ առաջին փոխվարչապետի պաշտոն։
Загружается новость ...
"Право"
Պարբերականը նշում է, որ ԱԺ պետաիրավական հարցերի հանձնաժողովի անդամ, հանրապետական Ռուստամ Մախմուդյանը չի կարծում, թե առաջին փոխվարչապետի պաշտոն ստեղծելը որևէ մեկի սիրտը շահելու համար է արվում, դրա անհրաժեշտությունը, ըստ նրա, «աշխատանքի ճիշտ կազմակերպման» համար է։
«Ասենք, վարչապետը բացակայում է, ո՞վ է նրան փոխարինելու, որպեսզի փոխվարչապետերի անձով չպայմանավորվի այդ փոփոխությունը, պետք է մեկընդմիշտ կանխատեսելի դարձնել»,- հիմնավորում է պետաիրավականի ներկայացուցիչը։ Նրա խոսքով, հավանաբար, կառավարության կառուցվածքի մասին նոր օրենքում կնշվի այդ փոփոխությունը։
Մախմուդյանը նշում է, որ այդ պաշտոնը չի հակասում Սահմանադրությանը, և սահմանադրական փոփոխության կարիք չկա․
«Իհարկե, պիտի ասեք, որ Սահմանադրության մեջ գոյություն չունեցող պաշտոն է ստեղծվում, բայց ինչքանո՞վ էր նպատակահարմար գրել առաջին փոխվարչապետ և փոխվարչապետեր։ Վստահեցնում եմ՝ չի հակասում»,- գրում է թերթը: -0-
