Հայտնի են Ռուսաստանի կողմից Թուրքիային 2 մլրդ դոլարի С-400 համակարգեր մատակարարելու ժամկետները

18:35

15 Նոյեմբերի 2017

ԵՐԵՎԱՆ, 15 նոյեմբերի. /Նովոստի Արմենիա/. С-400 զենիթահրթիռային համակարգի մատակարարումները Թուրքիային կսկսվեն Անկարայի կողմից այս համաձայնագրով նախատեսված բոլոր վճարումները կատարելուց հետո։ Այդ մասին հայտնել է Ռուսաստանի ռազմատեխնիկական համագործակության դաշնային ծառայության պաշտոնական ներկայացուցիչը, հայտնում է «Парламентская газета»–ն։

«Այս համաձայնագրի գործնական կատարումը կսկսվի թուրքական կողմից ֆինանսական միջոցների ամբողջական վճարելուց հետո», – ասել է նա Dubai Airshow 2017 ցուցահանդեսի ժամանակ։

Загружается новость ... "Право"

Ավելի վաղ հայտնի է դարձել, որ Անկարայի հետ С-400 համակարգի մատակարարման վերաբերյալ ստորագրված պայմանագրի արժեքը կազմում է 2 մլրդ դոլար։

Սեպտեմբերի 29–ին հայտնի է դարձել, որ Թուրքիան Ռուսաստանին է փոխանցել կանխավճար С-400 զենիթահրթիռային համակարգերի համար։ Թուրքիայի պաշտպանական արդյունաբերության քարտուղարության փոխնախագահ Իսմայիլ Դեմիրը հայտնել է, որ ռուսական արտադրության С-400 համակարգերի մատակարարումը երկիր կսկսվի մոտակա երկու տարիների ընթացքում։

«Տրիումֆ» (С-400)` մեծ ու միջին հեռավորության համար նախատեսված ռուսական զենիթահրթիռային համակարգ է։ Նախատեսված է բոլոր օդատիեզերային ժամանակակից և հեռանկարային միջոցների ոչնչացման համար։ ՌԴ կառավարության 2007 թվականի ապրիլի 28–ի որոշմամբ, «Տրիումֆը» ընդունվել է որպես սպառազինություն։
Ներկա պահին Ռուսաստանը С-400 «Տրիումֆի» համակարգերի մատակարարման համաձայնագիր ունի ստորագրված Չինաստանի հետ։ Քննարկումներ են անցկացվում նաև Հնդկաստանի և Թուրքիայի հետ։ –0–

Ծանոթացեք լուրերին առաջինն ու քննարկեք դրանք մեր Telegram-յան ալիքում

#Ռուսաստան #C-400 #Թուրքիա #մատակարարում #ժամկետներ

Թեմատիկ նյութեր