ԵՐԵՎԱՆ, 16 հունվարի. /Նովոստի-Արմենիա/. Հայաստանի հանրապետական կուսակցության վերնախավի ներկայացուցիչները պնդում են, թե Հայաստանի նախագահի պաշտոնի առավել հավանական թեկնածությունն անակնկալ կդառնա հասարակայնության համար:
Ինչպես գրում է «Ժամանակ» թերթը, իշխանություններին մոտ կանգնած աղբյուրների համաձայն, դա կարող է լինել Մեծ Բրիտանիայում և Իռլանդիայում Հայաստանի դեսպան Արմեն Սարգսյանը: Նա համապատասխանում է բոլոր պահանջներին, քանի որ արդեն ավելի քան 4 տարի` 2013 թվականից, աշխատում է որպես դեսպան Մեծ Բրիտանիայում, ինչը հավասարվում է Հայաստանում բնակվելուն:
Սարգսյանի մտերիմները պնդում են, որ նա հունվարի վերջին կժամանի Հայաստան, և չեն բացառում, որ դա կարող է կապված լինել իր թեկնածության առաջադրման քննարկումների հետ: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում