Հայաստանում ԱՄՆ արտակարգ և լիազոր դեսպան Մարի Յովանովիչը վերջին ժամանակներս ՀՀ առաջին և գործող նախագահներ Լևոն Տեր-Պետրոսյանի և Սերժ Սարգսյանի միջև երկխոսություն կազմակերպելու համար ակտիվ լոբբինգ է անցկացնում։
Հրատարակության համաձայն՝ այդ կերպ ԱՄՆ-ն ցանկանում է նախընտրական դաշինք ստեղծել Սարգսյանի և Տեր-Պետրոսյանի միջև, որպեսզի վերափոխի Հայատանի ներքաղաքական դաշտը։
Դա պետք է արտաքին քաղաքական խնդիրների ակտիվ լուծման հանգեցնի։ Մասնավորապես խոսքը ղարաբաղյան հակամարտության և հայ-թուրքական հարաբերությունների մասին է։
Տեր-Պետրոսյանի գրասենյակում հրաժարվել են պատասխանել այն հարցին, թե Տեր-Պետրոսյանի և Յովանովիչի հանդիպումների ժամանակ քննարկվե՞լ է նման հնարավորությունը։
Նաև հայտնի չէ, տվյալ հարցը կներառվի՞ ԱՄՆ դեսպանի հետ Հայաստանի առաջին նախագահի առաջիկա հանդիպումների օրակարգում։ -0-