Նալբանդյան.հուսով ենք ԵՄ-ի հետ բանակցությունները վերսկսել մինչև այս տարվա ավարտ

ԵՐԵՎԱՆ, 20 նոյեմբերի. /Նովոստի–Արմենիա/. Հայաստանի արտաքին գործերի նախարար Էդվարդ Նալբանդյանը հույս է հայտնել, որ երկկողմ փաստաթղթի շուրջ Եվրարամիության հետ բանակցությունները կվերսկսվեն մինչև այս տարվա ավարտ:

Հայաստան-ԵՄ բանակցությունների նոր էտապը կմեկնարկի դեկտեմբերին>>

«Վիլնյուսի և Ռիգայի գագաթնաժողովների ժամանակ վերահաստատվեց Հայաստանի և ԵՄ միջև փոխշահավետ համագործակցություն ծավալելու հանձնառությունը: Հոկտեմբերի 13-ին Եվրոպական խորհուրդը Եվրոպական հանձնաժողովին մանդատ տվեց` Հայաստանի հետ հարաբերությունների նոր իրավական հիմքի ձևավորման շուրջ բանակցություններ սկսելու վերաբերյալ»,-ասել է Նալբանդյանը «Առավոտ» թերթի հարցազրույցում:

«Ինչ վերաբերում է ժամանակացույցին, երկկողմ ակնկալիք կա, որ բանակցությունները կմեկնարկեն մինչև այս տարվա ավարտը: Կարծում եմ, որ հիմնվելով Եվրամիության հետ ունեցած բանակցային մեր փորձի վրա` ունենք լավ նախադրյալներ այս բանակցությունները բավականին արագ առաջ մղելու համար»,-ավելացրել է նա:

Նա հիշեցրել է, որ Հայաստանը և Եվրոպական Միությունը միշտ հայտարարել են իրենց պատրաստակամությունը զարգացնել և ամրապնդել համապարփակ համագործակցությունը համատեղ կարևորույթան ոլորտներում:

Նախկինում նախատեսվում էր, որ Երևանը ԵՄ-ի հետ 2013 թվականին Վիլնյուսի «Արևելյան գործընկերություն» գագաթնաժողովում կստորագրի Ասոցացման համաձայնագիրն ազատ առևտրի գոտու վերաբերյալ: Սակայն, դրանից երկու ամիս առաջ Հայաստանը հայտարարեց Մաքսային միությանն անդամակցության մասին:

2015 թվականի հունվարի 2-ից Հայաստանը ԵՏՄ անդամ է:-0-