ԵՐԵՎԱՆ, 30 ապրիլի./Նովոստի–Արմենիա/. Ռուսաստանը կողմ է գերիների փոխանակմանը «բոլորը բոլորի դիմաց» սկզբունքով հակամարտության գոտիներում վստահության հաստատման համար։
Ինչպես հաղորդում է ՏԱՍՍ–ը, այս մասին երեքշաբթի ասուլիսի ժամանակ հայտարարել է ՌԴ ԱԳ նախարար Սերգեյ Լավրովը։
«Մենք միշտ, բոլոր դեպքերում, կողմ ենք նման իրավիճակների սպառիչ մարդասիրական լուծմանը` դիակների, ռազմագերիների, «բոլորը բոլորի դիմաց» սկզբունքով պահվող անձանց փոխանակում», – նշել է ՌԴ ԱԳ նախարարը։
«Եվ մենք կարծում ենք, որ դա կնպաստի հակամարտության գոտիներում վստահության մթնոլորտի հաստատմանը, լինի դա Մերձավոր Արևելքում, թե Լեռնային Ղարաբաղում կամ Ուկրաինայի հարավ–արևելքում», – ասել է Լավրովը։–0–