ԵՐԵՎԱՆ, 4 հունիսի./Նովոստի–Արմենիա/. Հայաստանի կողմից բավական մեծ քաղաքական դիվանագիտական ներդրում էր կատարվել Թուրքիայի հետ հարաբերությունների կարգավորման ուղղությամբ, որը Թուրքիայի պատճառով խափանվեց, ինչը չափազանց մեծ վնաս բերեց այս հարցի հանգուցալուծմանը, հայտարարել է ՀՀ ԱԳ նախարար Զոհրաբ Մնացականյանը։
Загружается новость ... "Лево"
«Ներկա դրությամբ, եթե սխալվում եմ՝ ուղղեք ինձ, ես չեմ լսել որևէ հայտարարություն, որը հուսադրիչ լինի, որ մենք կարող ենք որևէ հիմքեր ունենալ ենթադրելու, որ կա պատրաստակամություն մյուս կողմից: Մենք եղել և մնացել ենք այն սկզբունքների մեջ, որ մենք պատրաստ ենք ունենալ բարիդրացիական հարաբերություններ հարևանի հետ, ի վերջո աշխարհագրությունը չի փոխվում, առանց նախապայմանների, բայց նաև շատ լավ հստակ գիտենք, որ կան իրողություններ։ Մենք չենք անում դա ի վնաս մեր շահերի և պատրաստ չենք դա անելու ի վնաս մեր շահերի», – ասել է նա «Ազատություն» ռադիոկայանի «Կիրակնօրյա վերլուծական» ծրագրում։
Նրա խոսքով, այդ շահերի մեջ ունենք որոշ գործոններ, որոնք շատ սկզբունքային են, շատ կարևոր են Հայաստանի համար։
«Եվ կան որոշ հարցեր, որոնք մենք առաջ չենք բերել որպես նախապայման մեր հարաբերությունների բարելավման համար», – հայտարարել է Մնացականյանը։–0–