Ադրբեջանը շարունակում է խախտել միջազգային մարդասիրական իրավունքը` շահարկելով հայ գերիների խնդիրը. Բեգլարյան

ԵՐԵՎԱՆ, 13 հունվարի./Նովոստի–Արմենիա/. Արցախի նախագահի աշխատակազմի ղեկավար Արտակ Բեգլարյանը հայտարարել է, որ Ադրբեջանը շարունակում է լրջորեն խախտել միջազգային մարդասիրական իրավունքը` շահարկելով ռազմագերիների և գերեվարված քաղաքացիական անձանց խնդիրը։

«Ադրբեջանը շարունակում է լրջորեն խախտել միջազգային մարդասիրական իրավունքը` շահարկելով պատանդ վերցված քաղաքացիական անձանց և ռազմագերիների խնդիրը։ Շատ ռազմագերիներ և քաղաքացիական անձինք պատերազմի ժամանակ, 64 ռազմագերիներ և որոշ քաղաքացիական անձինք հետպատերազմյան ժամանակահատվածում Ադրբեջանում բանտարկվել են առանց Կարմիր խաչի և ռուս միջնորդների պաշտոնական հաստատման», – գրել է նա Twitter–ի իր միկրոբլոգում։–0–