Վիգեն Սարգսյանը զգուշացրել է Արցախի հարցում միակողմանի զիջման վտանգի մասին

ԵՐԵՎԱՆ, 15 նոյեմբերի. /Նովոստի–Արմենիա/. ՀՀ պաշտպանության նախկին նախարար, ՀՀԿ առաջին փոխնախագահ Վիգեն Սարգսյանը զգուշացրել է Արցախի հարցում միակողմանի զիջման վտանգի մասին։ Այս մասին Սարգսյանը գրել է Facebook–յան իր էջում։

«Լինելու ենք կառուցողական և երկխոսության պատրաստ ընդդիմություն: Բայց կան հարցեր, որոնցում լինելու ենք անզիջում: Դրանցից առաջինն ու ամենագլխավորը` Արցախն է։ Արցախը միայն արցախցու ինքնորոշման իրավունքի խնդիր չէ: Այն մեր ողջ երկրի անվտանգության հարցերի հարցն է։ Ընդ որում, ոչ էլ միակ հարցն է` էլի են լինելու», – նշել է Սարգսյանը` հավելելով, որ միայն ուժեղ բանակով, անվտանգության հզոր համակարգով, խոհեմ արտաքին քաղաքականությամբ, Ազգ-բանակ դառնալով ենք ի վիճակի լինելու առերեսվելու այդ վտանգներին: