555.14
7.29
486.58
-2
Եղանակը Երևանում
Հայ
Մոնակոյում կանցկացվեն Հայաստանի օրեր (ՏԵՍԱՆՅՈՒԹ)
13:55
11 Հուլիսի 2018

ԵՐԵՎԱՆ, 11 հուլիսի./Նովոստի–Արմենիա/.  Սեպտեմբերին Մոնակոյում կանցկացվեն Հայաստանի օրեր, ինչի մասին գրում է թե հայկական մամուլը, թե արտասահմանյան պարբերականները: Միջոցառման մանրամասներին ծանոթանալու համար զրուցեցինք «Armenian Collection» ծրագրի ղեկավար Վրույր Փենեսյանի հետ, ով մեզ ներկայացրեց միջոցառման աաքելությունը, հիմնական նպատակները:

«Նովոստի–Արմենիա» . պարոն Փենեսյան, որքան գիտեմ հայկական օրերը Մոնակոյում կկրեն «Armenia Collection 2018, Monte- Carlo» խորագիրը: Սա աննախադեպ միջոցառում է:

Վ. Փենեսյան . այո, աննախադեպ է և՛ Մոնակոյում, և՛ ընդհանրապես, քանի որ շատ մեծ միջոցառում է և շատ բարձր մակարդակի վրա է կազմակերպված: Ասեմ, որ շատ դժվարությամբ է ստացվել՝ երեք անգամ մերժումից հետո թույլտվություն ենք ստացել վարձակալել «Òpera de Montecarlo»-ն:

Ծրագիրն իր մեջ ներառում է մի քանի կոմպոնենտ։ Առաջին օրը՝ սեպտեմբերի 2-ին, «Òpera de Montecarlo»-ում կկազմակերպվի բարեգործական համերգ, որին մասնակցելու իրենց պատրաստակամությունն են հայտնել համաշխարհային օպերային երգչուհի Հասմիկ Պապյանը և աշխարհի լավագույն դաշնակահարների ցանկում ընդգրկված Նարե Արղամանյանը:

Ինչու է որոշված «Òpera de Montecarlo»-ում, որվհետև այս տարի միջոցառումը նվիրված է Արամ Խաչատրյանի 115-ամյակին։ Արամ Խաչատրյանն առաջին հայն է, ով ջերմ ընդունելիության է արժանացել արքայազն Ռենյե III-ի և Գրեյս Քելլիի կողմից 1973 թվականին, և  նրանց առաջարկով 1974 թվականին Արամ Խաչատրյանի մասնակցությամբ կազմակերպվել է համերգ հենց նույն համերգասրահում: Համերգից առաջ նույն համերգասրահում կկազմակերպվի Արամ Խաչատրյանի՝ համաշխարհային մեծությունների հետ նկարների ցուցադրություն, ինչն է՛լ ավելի կհետաքրքրի մասնակիցներին: 

«Նովոստի–Արմենիա». իսկ ի՞նչ հյուրեր եք սպասում բացի Ձեր կողմից նշած հայտնի մշակութային գործիչներից: Ովքե՞ր են պատրաստակամություն հայտնել մասնակցել միջոցառմանը:

Վ. Փենեսյան . մեր և այս միջոցառման նպատակն է ոչ միայն ներկայացնել մեր մշակույթը և տնտեսությունը Մոնակոյի իշխանություններին, բնակչությանը, այլ նաև մեր սփյուռքին, որպեսզի մարդիկ տարբեր երկներից կարողանան գալ, մասնակցել և կապեր հաստատել միմյանց հետ։

Արդեն ունենք բազմաթիվ հայտեր տարբեր երկրներից,  այդ իսկ պատճառով համերգից հետո կկազմակերպվի գալա-ընթրիք, որը  կկրի նաև ճանաչողական բնույթ, կհաստատվեն կապեր մարդկանց միջև, ինչը, վստահ ենք, դրական ազդեցություն կունենա հետագայում: Ասեմ, որ համերգը կրելու է բարեգործական բնույթ, և միտված է աջակցելու Հայաստանում գործող «Ֆոնդ 100» և «Օգնեմ» հիմնադրամներին:

Հաջորդ օրը՝ սեպտեմբերի 3-ին, Մոնակոյում գտնվող լավագույն հյուրանոցներից մեկում՝    «Hôtel Metropole»-ում, կկազմակերպվի հայկական լյուքս դասի ապրանքների ցուցադրություն։ Մենք կներկայացնենք այն լավագույնը, ինչ ունենք Հայաստանում: Առաջնայինը կկազմակերպվի «Արարատ» լեգենդար հայկական կոնյակի մի քանի տեսակների համտես: Այդ իսկ պատճառով հրավիրել ենք միջազգային ճանաչում ունեցող սոմելյեների, մասնակցելու իրենց պատրաստակամությունն են հայտնել տարբեր տարածաշրջանների սոմելյեների միությունների նախագահներ: Այս ամենը կազմակերպվում է, որպեսզի այս միջոցառումը ոչ միայն լինի ճանաչողկան, այլև գործնական, որպեսզի միջոցառումն այցելող մարդիկ, ինչպես նաև գործարար շրջանակների ներկայացուցիչներ,  հնարավորություն ունենան ծանոթանալու որակական ցուցանիշներին։ Մեր նպատակն է ստեղծել հնարավորություն, որպեսզի հայկական գինին ու կոնյակը վաճառվի և՛ Մոնակոյում, և՛ տարածաշրջանում:

«Նովոստի–Արմենիա» . այսինքն՝ այս միջոցառումների ցանկն ուղղված է լինելու՞ ոչ միայն մշակութային կապերի զարգացմանը, այլ նաև գործնական կապերի հաստատմանը, և ոչ միայն   Հայաստանի և օտարերկրյա ներդրողների, այլ նա մեր սփյուռքի ներկայացուցիրների միջև կապերի ավելի ամրապնդմանը:

Վ. Փենեսյան . այո՛, և քանի որ միջոցառումը նախատեսված էր անցկացնել հունիսի 3-ին և 4-ին,  բայց երկրի ներքաղաքական իրավիճակից ելնելով` մենք տեղափոխեցինք սեպտեմբերի 2–ին և 3–ին, ի սկզբանե նաև պայմանավորվածություն էր ձեռք բերվել «Monaco Economic Board»-ի ղեկավարության հետ, որպեսզի այդ օրը՝ հունիսի 3-ին, կազմակերպվի Հայաստան-Մոնակո բիզնես-համաժողով` Հայաստանի Արդյունաբերողների և Գործարարների Միության գործարարների մասնակցությամբ, բայց քանի որ օրը փոխվել է, մենք դեռևս ճշտում ենք՝ ինչպես կազմակերպել հանդիպում Հայաստանի և Մոնակոյի գործարարների միջև:

Երկրորդ օրը, առաջին մասում, ինչպես նշեցի, լինելու է սոմելյեների մասնակցությամբ համտես, երկրորդ հատվածում կկազմակերպվի լյուքս դասի ապրանքների, ինչպես նաև մշակութային ստեղծագործությունների ցուցադրություն,  նախատեսել ենք նաև մի շարք այլ միջոցառումներ: Երեկոյան նախատեսել ենք հայ դիզայներների աշխատանքների ցուցադրություն, որին ներկա կլինեն նաև «Monte-Carlo Fashion Week»-ի ղեկավարության ներկայացուցիչները։ Նրանց խոսքով, լավ աշխատանքների հեղինակներին հնարավորություն կընձեռվի ընդգրկվել «Monte-Carlo Fashion Week 2019»  միջոցառման շրջանակում:

«Նովոստի–Արմենիա» . մի կարևոր հարց ևս: Սա լինելու է եզակի՞ միջոցառում, թե՞ Դուք նախատեսում եք այն դարձնել ամենամյա, և դա կլինի այն կարևոր բաղադրիչներից մեկը, որի շնորհիվ Հայաստանը ճանաչելի կդառնա աշխարհում և սփյուռքում։ 

Վ. Փենեսյան. ի սզբանե նպատակն է հայկական ապրանքների, արտադրանքի ճանաչողության բարձրացումը, տնտեսական կապերի ստեղծումը, մշակութային կապերի ամրապնդումը:  Ասեմ Ձեզ, որ անցած ամիս հյուրընկալվեցի Մոնակոյի   արքեպիսկոպոս Բեռնարդ Բարսիի կողմից, ում սիրով նվիրաբերեցի հայկական գորգ-խաչքար, որը կրկնօրինակված է Գոշավանքում գտնվող 12-րդ դարի խաչքարից, այն իր ուրույն տեղը կգտնի Մոնակոյի նորակառույց մատուռում: Սա առաջին դեպքն է, երբ հայկական խաչքարը կներկայացվի Մոնակոյում։ Այս ամենը լավ հիմք է հայկական համայնքի համար հայկական եկեղեցու հետ կապերն ամրապնդելու գործում: Միանշանակ նպատակ կա, որ միջոցառումը կրի ամենամյա բնույթ, և այսօրվանից ես արդեն ծրագրել եմ նաև մյուս տարվա օրակարգը, սակայն աշխատանքները կսկսվեն միայն այս տարվա սեպտեմբերի միջոցառումն ավարտելուց հետո:–0–



Թեմատիկ նյութեր
Բաժնի այլ նյութեր
17:55
10 Հունվարի 2019
Մեցո Իգիթյան. Հայաստանը չի կարող սպասել 2–3 սերունդ` նորարարական բարձր տեխնոլոգիաների երկիր դառնալու համար
Անցած տարին իրավամբ կարելի է անվանել անկախ Հայաստանի պատմության ամենահագեցածներից մեկը։
11:54
28 Հուլիսի 2018
Իսկանդարյան. Քոչարյանի գործով մոտիվացիան մեծ մասամբ քաղաքական է
Վերջին երկու օրը հայկական հասարակության ուշադրությունը սևեռված է վերջին տասնամյակների ամենաաղմկահարույց իրադարձություններից մեկի վրա. մեղադրանք է առաջադրվել ՀՀ նախկին նախագահ Ռոբերտ Քոչարյանին։
18:09
26 Հունիսի 2018
Հեղափոխական էյֆորիայից հետո Հայաստանում, բացի «տեսարաններից» հաց պետք կլինի տալ. փորձագետ (ՎԻԴԵՈ)
Հայկական «թավշյա հեղափոխության» առանձնահատկությունը, քաղաքական նոր իրականության պայմաններում երկրի զարգացման հեռանկարները հասկանալու համար զրուցել ենք «Պոլիտէկոնոմիա» հետազոտական ինստիտուտի տնօրեն Անդրանիկ Թևանյանի հետ։
15:10
12 Մայիսի 2018
Ա. Աբովյան. այսօր քաղաքական բոլոր ուժերը կենտրոնացած են արտահերթ ընտրությունների վրա
ՀՀ ԱԺ–ն մայիսի 8–ին երկրորդ փորձից վարչապետ ընտրեց ընդդիմության առաջնորդ Նիկոլ Փաշինյանին:
15:14
06 Ապրիլի 2018
Վ. Խոտինենկո. Հայաստանը զարմանալի, հրաշքներով լի երկիր է
Հայաստանից ստացած տպավորությունների, ժամանակակից կինոարդյունաբերության և դրա զարգացման հնարավորությունների մասին խոսել է կինոռեժիսոր, ՌԴ ժողովրդական արտիստ  Վլադիմիր Խոտինենկոն։
17:20
21 Փետրվարի 2018
Miss Supermodel Worldwide-ի հայաստանյան ներկայացուցիչը հաղթելու հնարավորություններ ունի (ՀԱՐՑԱԶՐՈՒՅՑ)
Մարտի 15-ից 23-ը Հնդկաստանի Դելի քաղաքում կանցկացվի Miss Supermodel Worldwide գեղեցկության մրցույթ:
13:23
15 Դեկտեմբերի 2017
Սարյանը շարունակում է լինել Հայաստանի այցեքարտը. տուն–թանգարանի տնօրեն
Երևանի գանձերից մեկը` հռչակավոր նկարիչ Մարտիրոս Սարյանի տուն–թանգարանը, այս տարի նշում է  իր 50–ամյակը։
11:13
15 Դեկտեմբերի 2017
Ավանդական հայկական Ամանոր. մոռացված ծեսեր ու պահպանված սովորույթներ
Ամանորն արդեն սարերի հետևում չէ: Հայաստանում հատուկ ջերմությամբ ու հուզմունքով են վերաբերվում այս հրաշք տոնին:
15:40
11 Դեկտեմբերի 2017
Լեգենդար Իրինա Սլուցկայան կմարմնավորի հայ աստվածուհու կերպարը «Ախթամար» շոուում. ՀԱՐՑԱԶՐՈւՅՑ
Օլիմպիական խաղերի մրցանակակիր, աշխարհի կրկնակի չեմպիոն Իրինա Սլուցկայան առաջին վարպետության դասն է անցկացրել Երևանում:
12:59
13 Սեպտեմբերի 2017
Էռնա Միր. «Նոր ալիքում» հաղթելն ինձ համար սկզբունքային է
Մրցույթի ամենավառ և սիրված մասնակիցներից է Հայաստանը ներկայացնող 18–ամյա Էռնա Միրը (Միրզոյան) «Նովոստի–Արմենիա» գործակալությանը տված բացառիկ հարցազրույցում խոսել է մրցույթում հաջող մասնակցության տպավորություններից ու սպասումներից։

15:43
12 Սեպտեմբերի 2017
Մեզ հաջողություն է սպասում, եթե կարողանանք Հայաստանի գաստրոնոմիկ ներուժը ճիշտ օգտագործել. փորձագետ
Հայաստանի այսօրվա օրակարգում ամենաակտուալ թեմաներից է զբոսաշրջության զարգացումը։
18:03
15 Հունիսի 2017
Հենրիխ Մխիթարյանը պատմել է բաղձալի նպատակի, հիշարժան հանդիպումների և սիրած գրքի մասին
Հայաստանի հավաքականի և «Մանչեսթեր Յունայթեդի» կիսապաշտպան, Հենրիխ Մխիթարյանը հարցազրույց է տվել «Российсая газета»-ին։