Կողոպուտի անհաջող փորձ SAS սուպերմարկետից. 20–ամյա երիտասարդը ձերբակալվել է

ԵՐԵՎԱՆ, 21 հունվարի. /Նովոստի-Արմենիա/. Նախօրեին` հունվարի 20-ին, հայտնաբերվե է անձը, ով հուվարի 17-ին զիված մտել էր «ՍԱՍ» սուպերմարկետ և գումար պահանջել: 

ՀՀ ոստիկանության մամուլի ծառայության հաղորդմամբ, հունվարի 17-ին ժամը 03.15-ին ոստիկանության Երևան քաղաքի վարչության օպերատիվ կառավարման կենտրոն է զանգահարել «ՍԱՍ» սուպերմարկետի մենեջերը և հայտնել, որ անհայտ անձը զինված մտել է Բաղրամյան պողոտայի սուպերմակետ և գումար պահանջել:

Ոստիկանության Երևան քաղաքի վարչության և Արաբկիրի բաժնի ծառայողները, ավազակային հարձակում կատարելու կասկածանքով, հունվարի 20-ին ժամը 8.45-ին, իր տնից բերման են ենթարկել 1999 թ. ծնված Աշոտ Մ.-ին։

Նույն օրը Երևան քաղաքի ընդհանուր իրավասության դատարանի որոշման համաձայն՝ Աշոտ Մ.-ի բնակարանի խուզարկությամբ հայտնաբերվել է գազային ատրճանակ և ինքնաշեն պայթուցիչի նմանվող, էլեկտրական լարերով փաթաթված պլաստմասե տարա:

Նշանակվել է դատաձգաբանական փորձաքննություն: Աշոտ Մ.-ն ձերբակալվել է: Նախաքննությունը շարունակվում է:–0–