ԵՐԵՎԱՆ, 3 հուլիսի./Նովոստի–Արմենիա/. Ռեփեր Մոտի երևանյան համերգն ընդհատվել է։
Նախօրեին համերգի ժամանակ Մոտը բեմում ուսի վնասվածք է ստացել և իջել բեմից։
«Երևան, շատ շնորհակալ եմ ջերմ ընդունելության համար։ Ցավոք, ստիպված էի համերգի կեսից հեռանալ բեմից, քանի որ ուսիս հոդը խախտվել է», – ասել է նա Instagram–ի իր stories–ում։
Մոտը նշել է, որ նրան ռենտգեն են արել և տոմոգրաֆիա, պետք է բուժվի և վերականգնվի։
«Եվս մեկ անգամ շնորհակալ եմ նման ընդունելության համար։ Կրկին ներողություն եմ խնդրում, որ գործն ավարտին չհասցրեցինք, բայց, ինչպես ասում են, ամեն ինչ առջևում է», – նշել է Մոտը։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում