Արագածոտնում Ford–ը բախվել է մարդատար էլեկտրագնացքի հետ (ՖՈՏՈ)

ԵՐԵՎԱՆ, 2 մարտի./Նովոստի–Արմենիա/. Նախօրեին՝ մարտի 1-ին, արտակարգ դեպք է տեղի ունեցել Արագածոտնի մարզում:

Shamshyan.com–ի հաղորդմամբ, ժամը 14:00-ի սահմաններում Արմավիր-Գյումրի ավտոճանապարհի 23-րդ կմ հատվածին հարակից գնացքի գծերի վրա բախվել են Սուրեն Հարությունյանի վարած Ford մակնիշի ավտոմեքենան և Եփրեմ Վարդանյանի վարած Գյումրի-Երևան մարդատար էլեկտրագնացքը:

Բարեբախտաբար, զոհեր և վիրավորներ չկան:

Կայքի տեղեկություններով՝ էլեկտրագնացքը վերջերս էր բերվել Հայաստան, գտնվում էր նոր վիճակում ու սպասարկում էր Գյումրի-Երևան ուղղությունը: Բարեբախտաբար, գնացքում քաղաքացիներ չեն եղել:–0–