5 և 3 տարեկան եղբայրները խեղդվել են լողավազանում

ԵՐԵՎԱՆ, 30 հուլիսի. /Նովոստի–Արմենիա/. Ողբերգական միջադեպ է տեղի ունեցել նախօրեին Տավուշի մարզում։

Ինչպես հայտնում է shamshyan.com–ը, ժամը 21։08–ին «Իջևան» ԲԿ–ից ահազանգ է ստացվել ոստիկանություն, որ իրենց մոտ են տըեղափոխվել ջրահեղձ եղած երկու երեխա։


Ոստիկանները և քննիչները պարզել են, որ խեղդված եղբայրները` հնգամյա Անդրանիկը և 3 տարեկան Արամը, ապրել են Երևանի Ջրվեժ շրջանում։ Նրանք եկել են Գանձաքար գյուղ` Վարդավառ նշելու։

Երեխաները հայտնաբերվել են «Մենուա» հանգստի գոտու լողավազանում։

Փաստով նախապատրաստվում են նյութեր։ Նշանակվել են մի շարք փորձաքննություններ։ -0-