ԵՐԵՎԱՆ, 3 նոյեմբերի./Նովոստի–Արմենիա/. Նախօրեին փլուզում է տեղի ունեցել Սիսիան քաղաքում։
ՀՀ ԱԻՆ Փրկարար ծառայության հաղորդմամբ, նոյեմբերի 2-ին ժամը 18:22-ին «911» ծառայությանը տեղեկություն է հաղորդվել, որ Սյունիքի մարզի Սիսիան քաղաքի Գերպե թաղամասի ալրաղացի մոտակայքում մարդ է մնացել երկաթբետոնե կառուցատարրի տակ, անհրաժեշտ է փրկարարների օգնությունը:
Загружается новость ... "Лево"
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
«Պարզվել է, որ Աբովյան փողոցի թիվ 4 տանը հարակից խորդանոցում աշխատանքներ իրականացնելիս տանիքի փայտե կառուցատարրը և ազբոշիֆրեի ծածկը փլուզվել են (մոտ 15 քմ): Պատահարի հետևանքով Ա. Բ.-ն (ծնված 1993 թ.) ստացել է թեթև մարմնական վնասվածքներ»,– նշվում է գերատեսչության հաղորդագրության մեջ։
Մինչ փրկարարների՝ կանչի վայր հասնելը, Ա. Բ.-ն հոսպիտալացվել է Աղիտուի հոսպիտալ, որտեղ բժիշկները տուժածի առողջական վիճակը գնահատել են բավարար:–0–