Պայթյուն BMW մակնիշի մեքենայում. վարորդն այրվածքներով հոսպիտալացվել է

ԵՐԵՎԱՆ, 27 հունիսի./Նովոստի–Արմենիա/. Այսօր՝ հունիսի 27-ին, արտակարգ դեպք է տեղի ունեցել Երևանում:

Shamshyan.com–ի հաղորդմամբ, ժամը 09:20-ի սահմաններում Արտակարգ իրավիճակների նախարարության փրակարար ծառայության և ոստիկանության Երևան քաղաքի վարչության օպերատիվ կառավարման կենտրոններ ահազանգ է ստացվել, որ Մալաթիա-Սեբաստիա վարչական շրջանի Անդրանիկի 94 շենքի բակում պայթյուն է տեղի ունեցել:

Նրան տեղափոխել են Ճառագայթային բժշկության և այրվածքների կենտրոն, որտեղից հայտնել են, որ նա ստացել է 2-րդ կարգի այրվածքներ:

Պայթյունի պատճառը պարզ կլինի մի շարք փորձաքննություններից հետո։

Դեպքի վայրում հավաքվածները նաև նշել են, որ վարորդը մեքենան շարժի է դրել, միացրել է օդորակիչը և մտել տուն: Կարճ ժամանակ անց դուրս է եկել տնից, նստել մեքենան, միացրել ծխախոտը ու տեղի է ունեցել պայթյունը:

Սակայն այս տեղեկությունը դեռ վերջնական չէ, և այն պարզելու համար նշանակվել են փորձաքննություններ:–0–