Կրակոցներ Նոր Նորքում. մեքենայով հարվածել են քաղաքացու տան դարպասին

ԵՐԵՎԱՆ, 8 ապրիլի. /Նովոստի-Արմենիա/. Ապրիլի 7-ին, ժամը 23.15-ին, ոստիկանության Նոր Նորքի բաժին անհայտ քաղաքացուց հաղորդում է ստացվել, որ ժամը 23.00-ին Նոր Նորքից դեպի Նորք Մարաշ գնացող ճանապարհին կրակում են և ավտոմեքենայով էլ հարվածել իր տան դարպասին:

Ինչպես հայտնում է ՀՀ ոստիկանության մամուլի ծառայությունը, ձեռնարկված օպերատիվ-հետախուզական միջոցառումների շնորհիվ պարզվել է, որ կրակողը հանդիսանում է 1952 թ. ծնված Լևոն Զ.-ն, որը նույն օրը, ժամը 23.40-ին, Շոպռոնի փողոցից բերման է ենթարկվել բաժին:

Ձեռնարկվում են միջոցառումներ ավտոմեքենան և վարորդին հայտնաբերելու ուղղությամբ: Նախապատրաստվում են նյութեր:-0-