ԵՐԵՎԱՆ, 22 սեպտեմբերի. /Նովոստի–Արմենիա/. Այսօր՝ սեպտեմբերի 22-ին, ավտովթար է տեղի ունեցել Տավուշի մարզում։
Ժամը 09։00-ի սահմաններում Երևան-Սևան-Իջևան ավտոճանապարհի 141-րդ կմ հատվածում բախվել են Վազ 2107 մակնիշի 24 ՍԼ 434 համարանիշի և Վազ 2106 մակնիշի 34 VZ 465 համարանիշի ավտոմեքենաները։
Shamshyan.com կայքի հաղորդմամբ, վթարի հետևանքով 5 մարդ մարմնական վնասվածքներով տեղափոխվել է Իջևանի բժշկական կենտրոն։
Փաստի առթիվ նյութեր են նախապատրաստվում։
Կայքի հաղորդմամբ, քննիչի հանձնարարականով մեքենաները տեղափոխվել են ոստիկանության Իջևանի բաժնի պահպանվող հատուկ տարածք։
Ոստիկանությունն ու քննչական բաժինը պարզում են վարորդների և վիրավորների ինքնությունը։–0–