Խոշոր ավտովթար Գեղարքունիքում. մեկ մարդ հոսպիտալացվել է (ՖՈՏՈ)

ԵՐԵՎԱՆ, 28 հունիսի. /Նովոստի-Արմենիա/. Այսօր հունիսի 28-ին խոշոր ավտովթար է տեղի ունեցել Գեղարքունիքի մարզում։

Ինչպես հայտնում է shamshyan.com-ը, ժամը 07։30-ի սահմաններում Kia Cerato մակնիշի ավտոմեքենայի վարորդը Երևան-Իջևան ավտոճանապարհի 65 կմ հատվածում, դեպի Սևան ընթանալիս, դուրս է եկել ճանապարհի երթևեկելի գոտուց, բախվել երկաթբետոնե արգելապատնեշներին։

Վթարի հետևանքով ավտոմեքենայի ուղևորը մարմնական վնասվածքներով տեղափոխվել է Սևանի բժշկական կենտրոն։ Փաստի առթիվ նյութեր են նախապատրաստվում։ Ոստիկանությունը պարզում է վարորդի և վիրավորի ինքնությունը։ Ըստ աղբյուրի, վարորդն ու ուղևորը կին են եղել։-0-