ԵՐԵՎԱՆ, 27 մարտի. /Նովոստի–Արմենիա/. Ղազախստանի ֆուտբոլի հավաքականի «բախտը չբերեց» ոչ միայն դաշտում։ Հավաքականի ինքնաթիռն արտակարգ վայրէջք է կատարել Երևանի օդանավակայանից օդ բարձրանալուց հետո։
«Չվերթ նշանակված էր երկուշաբթի ժամը 00։30–ին, սակայն տեխնիկական պատճառներով այն հետաձգվել է մինչև 16։00–ն։ Չվերթը սպասարկող ռուսական ավիաընկերությունը կուղարկի մեկ այլ ինքնաթիռ», – «Նովոստի–Արմենիա» գործակալությանը տեղեկացրեց ՀՀ ՔԱԳՎ մամուլի քարտուղար Սաթենիկ Հովհաննիսյանը։
Ավելի վաղ ղազախստանցի լրագրող Երբոլ Կաիրովը Twitter–ում
գրել էր, որ Ղազախստանի հավաքականի ինքնաթիռը շասսիների անսարքության պատճառով արտակարգ վայրէջք է կատարել Երևանում, որտեղից օդ էր բարձրացել։
Կիրակի Երևանում Ղազախստանի հավաքականը 2։0 հաշվով պարտվել է Հայաստանի հավաքականին Աշխարհի 2018 թ.–ի առաջնության ընտրական փուլի հանդիպման շրջանակում։-0-
