Անհեթեթ մահ. Մոսկվայում հայ երեխա է մահացել

ԵՐԵՎԱՆ, 17 հունվարի. /Նովոստի Արմենիա/. Մոսկվայի իրավապահ մարմինները պարզում են մեկուկես տարեկան երեխայի ողբերգական մահվան հանգամանքները:

Նախնական տվյալներով, երեխան մահացել է դժբախտ պատահարի հետևանքով: Երեք տարեկան քրոջ հետ խաղալիս երեխայի գլուխը մնացել է մանկական մահճակալի վերևի ու ներքևի հատվածների միջև:

Երեխաների 29–ամյա մայրը, ով տնային տնտեսուհի է, այդ պահին մյուս սենյակում է եղել: Աղբյուրը նշում է, որ ընտանիքն ապրում է բարեկեցիկ կյանքով, ոստիկանությունում և խնամակալության մարմիններում հաշվառված չէ:-0-