Երևանում գիշերն այրված տղամարդու վնասվածքները կյանքի հետ անհամատեղելի են

ԵՐԵՎԱՆ, 26 մայիսի. /Նովոստի–Արմենիա/. Այս գիշեր Բաշինջաղյան փողոցում այրված տղամարդու վնասվածքները կյանքի հետ անհամատեղելի են, «Նովոստի–Արմենիա» գործակալությանը հայտնեց Ճառագայթային բժշկության և այրվածքների հանրապետական գիտական կենտրոնի տնօրեն Նորայր Դավիդյանը։

ՀՀ ԱԻՆ Փրկարար ծառայության հաղորդմամբ` միջադեպի մասին ահազանգը ստացվել է 00։43–ին։ Պարզվել է, որ Բաշինջաղյան փողոցի թիվ 184 շենքի մոտակայքում այրվել է անձը չպարզված քաղաքացի: Մինչ հրշեջ-փրկարարների կանչի վայր հասնելը՝ հրդեհը մարվել է տեղի ուժերով։ Քաղաքացին տարբեր աստիճանի այրվածքներով հոսպիտալացվել է Ճառագայթային բժշկության և այրվածքների հանրապետական գիտական կենտրոն:

Երևանի փողոցներից մեկում գիշերը քաղաքացի է այրվել>>

Դավիդյանի խոսքով` տղամարդը գիշերը կենտրոն է տեղափոխվել ոստիկանության կողմից։

Նա ավելացրեց, որ տղամարդը կլինի մոտ 40–45 տարեկան, անձը դեռևս պարզված չէ։

«Ծայրահեղ ծանր վիճակում է, գտնվում է վերակենդանացման բաժանմունքում։ Ստացված այրվածքները կյանքի հետ անհամատեղելի են։ Վնասվել են նաև շնչուղիները», – նշեց Դավիդյանը։–0–