ԵՐԵՎԱՆ, 19 ապրիլի./Նովոստի–Արմենիա/. «Իրազեկ քաղաքացիների միավորում» ՀԿ–ի լրագրող Տիրայր Մուրադյանը, ով հինգշաբթի տուժել է Երևանի ցույցերի ժամանակ, հոսպիտալացվել է «Սուրբ Գրիգոր Լուսավորիչ» ԲԿ։ Այս մասին լրագրողը հայտնել է «Ազատություն» ռ/կ–ին։
Հիշեցնենք, որ այս առավոտյան ցուցարարներն արգելափակել էին կառավարության շենքերի մուտքերը։ Մեծ թվով ոստիկաններ էլ բացեցին արգելքն ու հետ մղեցին ակցիայի մասնակիցներին։
Մուրադյանի խոսքով, նա գտնվում էր կառավարական թիվ 3 շենքի մոտ և այլ լրագրողների հետ լուսաբանում էր ընդդիմության հանրահավաքը, երբ նկատել է երկու կասկածելի անձանց, ովքեր իրենց չէին պահում սովորական ցուցարարների նման։
«Նրանք խոսում էին հեռախոսով և ինչ–որ մեկին բան էին պատմում։ Նրանք նաև տեսան, որ ես նկատեցի դա ու հասցրեցի լուսանկարել», – ասաց Մուրադյանն ու հավելեց, որ դրանից հետո այդ անձինք հարձակվեցին նրա վրա, վնասեցին ֆոտոխցիկն ու ծեծեցին։
Այնուհետև Մուրադյանը հոսպիտալացվեց։
«Երբ արդեն հիվանդանոցում էի, ինձ զանգահարեցին ոստիկանության կենտրոնական բաժնից
և ասացին, որ շուտով կգան։ Ես պարտաստվում եմ ամեն ինչ պատմել ոստիկաններին ու
դիմում ներկայացնել միջադեպի փաստով», – ասաց Մուրադյանը։–0–