Սոչիում վթարի հետևանքով Հայաստանի 42–ամյա բնակիչ է մահացել

ԵՐԵՎԱՆ, 20 հունիսի./Նովոստի-Արմենիա/. Հունիսի 20-ի գիշերը Ռուսաստանի օլիմպիական մայրաքաղաք Սոչիում իրար են բախվել երկու մեքենա, ինչի հետևանքով երկու մարդ մահացել է: Այս մասին հաղորդում է  kuban.aif.ru կայքը` հղում կատարելով Ռուսաստանի Կրասնոդարի երկրամասի ՆԳՆ-ին: 

Վթարի հետևանքով մահացել են «Ռենոյի» վարորդ ու ուղևորը, տուժել է  նաև  «Մերսեդեսի» ուղևորը: Նրան ծանր վնասվածքներով տեղափոխել են հիվանդանոց:

Ոստիկանության աշխատակիցները պարզում են վթարի հանգամանքները: -0-