ԵՐԵՎԱՆ, 13 հուլիսի. /Նովոստի–Արմենիա/. Լոռու մարզի Դեբեդ համայնքի բնակիչները վախենում են իրենց անասուններին սար տանել: Համայնքի շատ ընտանիքների միակ ապրուստն անասնապահությունն է, սակայն արդեն բազմաթիվ դեպքեր են գրանցվել, երբ գայլը հարձակվել ու հոշոտել է հորթերին:
«Մեր հորթն էլ է կերել մի քանի օր առաջ: Ամեն օր էլ հարձակվում են: Հենց էսօր էլ իմացանք, որ սարում գայլը նորից հորթ է կերել», - ասում է համայնքի բնակիչ Խոսրով պապը, հաղորդում է aravot.am–ը։
Դեբեդ գյուղի ավագանու անդամ Աշոտ Ղազարյանի ընտանիքին ևս գայլերը վնաս են հասցրել:
Մի քանի օր առաջ էլ գայլը հոշոտել է այս ընտանիքին պատկանող հորթը։
Загружается новость ... "Лево"
Այս տարվա ընթացքում համայնքի ավելի քանի 15 ընտանիք գայլերի հարձակումներից բազմաթիվ կորուստներ է կրել:
Գայլերը նույնիսկ գյուղ են հասել, ձիու քուռակ ու ավանակ հոշոտել: Բնակիչներն ասում են, որ իրենք փոխհատուցում ստանալու խնդրանքով պատկան մարմիններին երբևէ չեն դիմել: Նրանց կարծիքով, միևնույնն է, դրանից ոչինչ չի փոխվելու։
Նրանք նշում են, որ այս խնդրի լուծմամբ պետք է զբաղվեն համապատասխան պատկան մարմինները` Բնապահպանության և գյուղատնտեսության նախարարությունները։–0–
