ԵՐԵՎԱՆ, 19 փետրվարի. /Նովոստի-Արմենիա/. Նախօրեին արտակարգ դեպք է տեղի ունեցել Երևանում:
Ինչպես հաղորդում է ՀՀ ԱԻՆ փրկարար ծառայությունը, փետրվարի 18-ին՝ ժամը 17:27-ին, ահազանգ է ստացվել, որ Երևան քաղաքի Լեփսիուսի փողոցի թիվ 10 շենքի բնակարաններից մեկի բնակիչը ցանկանում է ինքնասպանություն գործել:
Դեպքի վայր են մեկնել մեկ մարտական հաշվարկ, ճգնաժամային կառավարման ազգային կենտրոնի օպերատիվ խումբը և հոգեբանական խորհրդատվության գծով հրահանգիչը:
Պարզվել է, որ Լեփսիուսի թիվ 10 շենքի բնակարաններից մեկի բնակիչ Ա. Ն.-ը (ծնված 1982 թ.) հաշվառված է «Ավան» հոգեբուժական կլինիկայում:
Ճգնաժամային կառավարման ազգային կենտրոնի հոգեբանական խորհրդատվության գծով հրահանգիչը Ա.Ն.-ի հետ անցկացրել է հոգեբանական զրույց:
Վերջինս հոսպիտալացվել է «Սուրբ Գրիգոր Lուսավորիչ» բժշկական կենտրոն: -0-