ԵՐԵՎԱՆ, 10 հունվարի./Նովոստի–Արմենիա/. ՀՀ ԱԻՆ–ը հերքում է համացանցում տարածված տեղեկությունն այն մասին, որ հանրապետության տարածքում սպասվում է ուժեղ երկրաշարժ։
«Համացանցում լուրեր են շրջանառվում, իբր ուժեղ երկրաշարժ է սպասվում Հայաստանի տարածքում: ՀՀ ԱԻՆ Սեյսմիկ պաշտպանության տարածքային ծառայությունը պաշտոնապես հայտարարում է, որ որևէ հիմք չկա նման տեղեկատվություն տարածելու համար»,– նշվում է ՀՀ ԱԻՆ–ի հաղորդագրության մեջ։
Գերատեսչությունը նշում է, որ այդպիսի լուրեր հաճախ են հայտնվում համացանցում՝ նպատակ հետապնդելով ստեղծել խուճապային տրամադրություններ:–0–