ԱՄՆ դեսպանատունը երեք ամսական փոքրիկին հարցաքննել է որպես ահաբեկիչ

ԵՐԵՎԱՆ, 17 ապրիլի. /Նովոստի–Արմենիա/. Լոնդոնում ԱՄՆ դեսպանատան աշխատակիցները հարցաքննության են կանչել երեք ամսական փոքրիկին, ում պապիկը սխալվել է վիզայի դիմում լրացնելիս և նշել է, որ երեխան կապված է ահաբեկչական գործունեության հետ։

Ինչպես հաղորդում է Ինտերֆաքսը, հղում անելով The Guardian բրիտանական թերթին, Հարվի Քենյոն Քըրնսը պետք է առաջին անգամ մեկն էր հեռավոր ճամփորդության դեպի ԱՄՆ Ֆլորիդա նահանգի Օռլանդո քաղաք, սակայն նրա պապիկը` 62–ամյա Փոլ Քենյոնը սխալմամբ դրական է պատասխանել «Ձգտու՞մ եք դուք կամ արդեն կապ ունե՞նք ահաբեկչական գործունեության, լրտեսության, սաբոտաժի կամ ցեղասպանության հետ» հարցին։

Պապի սխալմունքի պատճառով դեսպանատունը մերժել է և վիզա չի տրամադրել փոքրիկին։ Բացի այդ, նրան կանչել են ԱՄՆ դեսպանատուն հարցաքննութան։ Փեյնթոնից Լոնդոն ճանապարհը տևել է շուրջ 10 ժամ` մի փոքր ավելի շատ, քան Մանչեսթերից Օռլանդո թռիչքը։  Քենյոնի խոսքով, նրա թոռնիկը դեսպանատանն իրեն լավ է պահել և ընդհանրապես չի լացել։