ԵՐԵՎԱՆ, 10 մայիսի. /Նովոստի–Արմենիա/. Բուքմեքերները «Եվրատեսիլ 2017»–ի հայաստանյան ներկայացուցիչ Արծվիկին ընդգրկել են մրցույթի ֆավորիտների շարքում։
Այսպես, Williamhill հայտնի բուքմեքերական գրասենյակը Հայաստանի ներկայացուցչի հաղթանակի դրույքներ է սահմանում 17,0 գործակցով` դա չորրորդ ցուցանիշն է բոլոր մասնակիցների շրջանում։
Մրցույթի ֆավորիտը, ըստ բուքմեքերների, Իտալիայի ներկայացուցիչ Ֆրանչեսկո Գաբանին է, ում հաղթանակի հավանականությունը գնահատվում է 1.73 գործակցով։ Երկրորդ տեղը մասնագետները տալիս են Պորտուգալիային (3,25), երրորդը` Բուլղարիային (15,0)։
Նախօրեին Կիևում անցկացված կիսաեզրափակչում Արծվիկն ապահովեց եզրափակչի իր մասնակցությունը, որը կկայանա մայիսի 13–ին։
Հայաստանը «Եվրատեսիլին» մասնակցում է 2006 թվականից։ Լավագույն արդյունքը չորրորդ տեղն է, որը զբաղեցրել են` երգչուհի Սիրուշոն 2008 թվականին և Արամ MP3–ը 2014 թվականին։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում