ԵՐԵՎԱՆ, 16 դեկտեմբերի. /Նովոստի Արմենիա/. Մեծ Բրիտանիայում հարցում է անցկացվել, որի մասնակիցները նշել են բոլոր ժամանակների ամենաձանձրալի ֆիլմերը, հաղորդում է gazeta.ru–ն` հղում անելով NME–ին։
Կարճ ցանկը կազմել են առաջատար կինոքննադատները, հետո այդ ցանկի հիման վրա քվեարկություն է անցկացվել։
Загружается новость ... "Лево"
Առաջին հորիզոնականում է «Մոխրագույնի 50 երանգները» ֆիլմը (2015), որը հավաքել է 34 տոկոս։
Երկրորդ հորիզոնականում «Բլերի վհուկը» ֆիլմն է (1999), որի օգտին քվեարկել է բրիտանացիների 29 տոկոսը, երրորդը «Աստղային պատերազմներ. էպիզոդ I. թաքնված սպառնալիք» ֆիլմն է (1999), որը հավաքել է 26 տոկոս։
Այնուհետև գալիս են «Կուզիկ լեռը», «Տրանսֆորմերները», «Փոստատարը», «Արտիստը», «Ավստրալիա», «Վանիլային երկինք» և «Յոթ տարի Տիբեթում» ֆիլմերը։–0–
