ԵՐԵՎԱՆ, 31 հուլիսի./Նովոստի–Արմենիա/. Sanitek ընկերության հիմնադիր, համասեփականատեր և ղեկավար Նիկոլաս Տավինը երեքշաբթի ասուլիսի ժամանակ հերքել է սաբոտաժի մեղադրանքները Երևանի աղբահանության կազմակերպման հարցում։
Հայկական ԶԼՄ–ներն ավելի վաղ հաղորդել էին, որ Երևանում աղբահանության հետ կապված խնդիրները սաբոտաժի հետևանք են և ունեն քաղաքական ենթատեքստ։
Загружается новость ... "Лево"
«Մենք, որպես կազմակերպություն, չենք հավատում սաբոտաժի գաղափարախոսությանը։ Մեր պայմանագիրը կնքված է կոնկրետ ինստիտուտի, այլ ոչ թե կոնկրետ անձի հետ։ Մենք աշխատում ենք պայմանագրում նշված կետերով», – ասաց նա։
Տավինը նշեց, որ նման իրավիճակը հարվածում է ընկերության հեղինակությանն ու վտանգում հազարավոր ընտանիքների։
Նրա խոսքով, ընկերությունը երբեք չի խուսափել պատասխանատվությունից խնդիրների, այդ թվում` վերջերս առաջացած պրոբլեմների համար։
«Մենք ունենք խիզախություն ընդունելու խնդիրները։ Իսկապես հույս ունենք, որ ոմանք կդադարեն օգտագործել առաջացած խնդիրները քաղաքական դիվիդենտներ ստանալու համար», – ասաց Տավինը։–0–
