ԵՐԵՎԱՆ, 30 մայիսի. /Նովոստի–Արմենիա/. Վարչապետ Նիկոլ Փաշինյանը կողմնորոշվել է սփյուռքի գործերով գերագույն հանձնակատարի պաշտոնի թեկնածուի հարցում, գրում է «168 ժամ» թերթը։
Պարբերականի տվյալներով, տվյալ պաշտոնում կնշանակվի Գլենդեյլի նախկին քաղաքապետ Զարեհ Սինանյանը։
«Ոչինչ չեմ կարող ասել։ Որոշումը կկայացնի վարչապետն օրենքով սահմանված կարգով»,– ասաց Հայաստանի վարչապետի մամուլի խոսնակ Վլադիմիր Կարապետյանը` մեկնաբանելով նշանակման մասին լուրերը։
Կարապետյանը հիշեցրեց, որ կառավարության կառուցվածքի փոփոխության մասին օրինագիծը դեռ չի ընդունվել խորհրդարանի կողմից եզրափակիչ ընթերցմամբ, «հետևաբար այդ մասին խոսելը դեռ ժամանակավրեպ է»։ --0—
Ծանոթացեք լուրերին առաջինն ու քննարկեք դրանք մեր Telegram-յան ալիքում